Ratha Saptmi, Surya Jayanti, and Narmada Jayanti Subhakankshalu

🌹. శ్రీ సూర్య స్తుతి - శ్రీ నర్మదాష్టకము 🌹

🍀. రథ సప్తమి లేదా అచల సప్తమి, సూర్య జయంతి, నర్మదా జయంతి శుభాకాంక్షలు 🍀

📚. ప్రసాద్ భరద్వాజ


🌞. శ్రీ సూర్య స్తుతి 🌞

1. నమః సూర్యస్వరూపాయ ప్రకాశాత్మస్వరూపిణే |
భాస్కరాయ నమస్తుభ్యం తథా దినకృతే నమః

2. శర్వరీహేతవే చైవ సంధ్యాజ్యోత్స్నాకృతే నమః |
త్వం సర్వమేతద్భగవన్ జగదుద్భ్రమతా త్వయా

3. భ్రమత్యావిద్ధమఖిలం బ్రహ్మాండం సచరాచరమ్ |
త్వదంశుభిరిదం స్పృష్టం సర్వం సంజాయతే శుచి

4. క్రియతే త్వత్కరైః స్పర్శాజ్జలాదీనాం పవిత్రతా |
హోమదానాదికో ధర్మో నోపకారాయ జాయతే

5. జ్ఞానైకధామభూతాయ నిర్ధూతతమసే నమః |
శుద్ధజ్యోతిస్స్వరూపాయ విశుద్ధాయామలాత్మనే

6. వరిష్ఠాయ వరేణ్యాయ పరస్మై పరమాత్మనే |
నమోఽఖిలజగద్వ్యాపిస్వరూపాయాత్మమూర్తయే

7. తావద్యావన్న సంయోగి జగదేతత్ త్వదంశుభిః |
ఋచస్తే సకలా హ్యేతా యజూంష్యేతాని చాన్యతః

8. సకలాని చ సామాని నిపతంతి త్వదడ్గతః |
ఋఙ్మయస్త్వం జగన్నాథ త్వమేవ చ యజుర్మయః

9. యతః సామమయశ్చైవ తతో నాథ త్రయీమయః |
త్వమేవ బ్రహ్మణో రూపం పరంచాపరమేవ చ

10. మూర్తామూర్తస్తథా సూక్ష్మః స్థూలరూపస్తథా స్థితః |
నిమేషకాష్ఠాదిమయః కాలరూపః క్షయాత్మకః |

ప్రసీద స్వేచ్ఛయా రూపం స్వతేజః శమనం కురు

11. ఇదం స్తోత్రవరం రమ్యం శ్రోతవ్యం శ్రద్ధయా నరైః |
శిష్యో భూత్వా సమాధిస్థో దత్త్వా దేయం గురోరపి

12. న శూన్యభూతైః శ్రోతవ్యమేతత్తు సఫలం భవేత్ |
సర్వకారణభూతాయ నిష్ఠాయై జ్ఞానచేతసామ్

ఇతి శ్రీమార్కండేయపురాణే సూర్యస్తుతిః ||

🌹 🌹 🌹 🌹 🌹




💧. శ్రీ నర్మదాష్టకము 💧


1. శ్రీ నర్మదే సకల-దుఃఖహరే పవిత్రే
ఈశాన-నన్దిని కృపాకరి దేవి ధన్యే ।
రేవే గిరీన్ద్ర-తనయాతనయే వదాన్యే
ధర్మానురాగ-రసికే సతతం నమస్తే ॥ ౧॥

2. విన్ధ్యాద్రిమేకలసుతే విదితప్రభావే
శాన్తే ప్రశాన్తజన-సేవితపాదపద్మే ।
భక్తార్తిహారిణి మనోహర-దివ్యధారే
సోమోద్భవే మయి నిధేహి కృపాకటాక్షమ్ ॥ ౨॥

3. ఆమేకలాదపర-సిన్ధు-తరఙ్గమాలా
యావద్ బృహద్ -విమల -వారి-విశాలధారా ।
సర్వత్ర ధార్మికజనాఽఽప్లుతతీర్థదేశా
శ్రీనర్మదా దిశతు మే నిజభక్తిమీశా ॥ ౩॥

4. సర్వాః శిలా యదనుషఙ్గమవాప్య లోలా
విశ్వేశరూపమధిగమ్య చమత్కృతాఙ్గాః ।
పూజ్యా భవన్తి జగతాం స-సురాఽసురాణాం
తస్యై నమోఽస్తు సతతం గిరిశాఙ్గజాయై ॥ ౪॥

5. యస్యాస్తటీముభయతః కృతసన్నివేశా
దేశాః సమీర-జలబిన్దు-కృతాభిషేకాః ।
సోత్కణ్ఠ-దేవగణ-వర్ణితపుణ్యమాలాః
శ్రీభారతస్య గుణగౌరవముద్గృణన్తి ॥ ౫॥

6. స్వాస్థ్యాయ సర్వవిధయే ధన-ధాన్య-సిధ్యై
వృద్ధిప్రభావనిధయే జనజాగరాయై ।
దివ్యావబోధవిభవాయ మహేశ్వరాయై
భూయో నమోఽస్తు వరమఞ్జులమఙ్గలాయై ॥ ౬॥

7. కల్యాణ-మఙ్గల-సముజ్జ్వల-మఞ్జులాయై
పీయూషసార-సరసీరుహ-రాజహంస్యై ।
మన్దాకినీ-కనక-నీరజ-పూజితాయై
స్తోత్రార్చనాన్యమర-కణ్టక-కన్యకాయై ॥ ౭॥

8. శ్యామాం ముగ్ధసుధా-మయూరవదనాం రత్నోజ్జవలాలఙ్కృతిం
రామాం ఫుల్ల-సహస్రపత్రనయనాం హాసోల్లసన్తీం శివామ్ ।
వామాం బాహువిశాల-వల్లివలయా-లోలాఙ్గులీపల్లవాం
లాలిత్యోల్లసితాలకావలికలాం శ్రీనర్మదాం భావయే ॥ ౮॥

9. శ్రీనర్మదాఙ్ఘ్రి-సరసీరుహ-రాజహంసీ
స్తోత్రాష్టకావలిరియం కలగీతవంశీ ।
సంవాద్యతేఽనుదినమేకసమాం భజద్భి-
ర్యైస్తే భవన్తి జగదమ్బికయాఽనుకమ్ప్యాః ॥ ౯॥

10. కాశీపీఠాధినాథేన శఙ్కరాచార్యభిక్షుణా ।
కృతా మహేశ్వరానన్ద-స్వామినాఽఽస్తాం సతాం ముదే ॥ ౧౦॥
ఇతి కాశీపీఠాధీశ్వర-జగద్గురు-శఙ్కరాచార్య-స్వామి-
శ్రీమహేశ్వరానన్ద-సరస్వతీ-విరచితం నర్మదాష్టకం సమ్పూర్ణమ్ ।


🌹 🌹 🌹 🌹 🌹


07 Feb 2022