సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 46

🌹 సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 46 🌹
46 వ భాగము

✍️ రచన : పేర్నేటి గంగాధరరావు
📚. ప్రసాద్ భరద్వాజ

🍃 ఆత్మదర్శనము - 3 🍃

345. పాలలో నేయి కనబడక ఎలా మరుగున ఉన్నదో అట్లే సకల ప్రాణులందు గల ఆత్మ మాయచే కప్పబడి మరుగై ఉన్నది. త్రిగుణములైన సత్వ రజో తమో గుణములలో ఆవరించబడిన ఆత్మ తెలియబడుటలేదు.

346. పంచకోశములైన అన్నమయ, ప్రాణమయ, మనోమయ, విజ్ఞానమయ, ఆనందమయ కోశములచే ఆత్మ కప్పబడి ఉన్నది. వాటిని తనకంటే వేరని తెలుసుకొన్న, ఆత్మ దర్శనం అగును.

347. బంగారునాణెములు వేర్వేరు రకములున్నట్లే ఆత్మ వేరువేరు పేర్లతో పిలువబడుచున్నది. అవి ప్రత్యగాత్మ, సచ్చిదానంద, నిత్యుడు, నిర్గుణుడు, నిర్వికారుడు, చిదాకాశము, జీవాత్మ, జ్యోతి, చిదాత్మ, అంతర్యామి, అఖండడు, పరమాత్మ, నిర్గుణుడు, బ్రహ్మము, అంతరాత్మ, నిరంజనుడు, నిర్మలుడు మొదలగు పేర్లతోసందర్భోచితముగా ఆత్మ పిలువబడుచున్నది.

348. ఆత్మను పొందినవారి లక్షణములు: సంకల్ప రహితుడు, శుద్ధుడు, నిర్భయుడు, ద్వంద్వ రహితుడు, మాయాతీతుడు అయివుంటాడు.

349. పూజ అనగా ఆత్మ దేవుని ధ్యానించుటయే. వస్తుసామాగ్రి, శబ్దము, పూజాసామాగ్రిలతో బాహ్యముగా భౌతికముగా చేయునది పూజకాదు అది కూడా అజ్ఞానము, అవిద్య, మనస్సు, చిత్తము, అహంకారములతో ఆత్మను ధ్యానించవలెను. తుదకు అన్నీ విడిచిపెట్టి ఆత్మ ధ్యాస స్థిరముకావలెను.

350. ఆత్మ చిత్రగుప్తుడు. చిత్రగుప్తుడనగా రహస్యముగా చిత్రించునది. అట్లు గుప్తముగా ఉండి జీవుడు చేయు కర్మలను, పాపపుణ్యములను, తలంపులను, ఇతర వికారములను గమనించుచుండును. సాక్షిగా ఉన్నాడు. జీవుని సకలకర్మలకు, జాగ్రత్‌, స్వప్న, సుషుప్తులకు సాక్షి చిత్రగుప్తుడే.

351. శరీరము సర్వము నాశనముకాగా చివరకు మిగిలినది ఆత్మయే. శరీరమునకు అంటిపెట్టుకొని ఉన్న పంచజ్ఞానేంద్రియములు, కర్మేంద్రియము, అంతఃకరణ చతుష్ఠయము తొలగించిన మిగిలినది ఆత్మయే. అదియే జ్ఞాన దృష్టికి దర్శనం అగును. ఇదియె సాంఖ్యము. స్వస్వరూపమును తెలుసుకొన్నవాడే సాంఖ్యుడు.

352. క్షేత్రమనగా కేవలము పదార్థ సంబంధమైన, పంచభూతాత్మకమైన స్థూల శరీరమే కాదు. అనేక దృశ్యముల మిశ్రమమే క్షేత్రము. కంటికి కనిపించని సూక్ష్మభూతములు కూడా క్షేత్రములే.
🌹 🌹 🌹 🌹 🌹

#ChaitanyaVijnanam #PrasadBhardwaj #చైతన్యవిజ్ఞానం #BookofDzyan #Theosophy

23.Apr.2019

సర్వయోగ సమన్వయము -గుప్తవిద్య (సీక్రెట్‌ డాక్ట్రిన్‌) - 45

🌹 సర్వయోగ సమన్వయము -గుప్తవిద్య (సీక్రెట్‌ డాక్ట్రిన్‌) - 45 🌹
45 వ భాగము

✍️ రచన : పేర్నేటి గంగాధరరావు
📚. ప్రసాద్ భరద్వాజ

🍃 ఆత్మదర్శనము - 2 🍃

335. సమస్త ప్రాణులందును ఆత్మ వున్నది. శరీరము, ఇంద్రియములు, మనస్సు అను వాటితో ఆత్మ కలిసి పోయి ఉన్నది. అయినప్పటికి వాటన్నింటికి సాక్షిగా అతీతముగా ఆత్మ ఉన్నది. మనవరుకు చూస్తే దేహమే దేవాలయము. అందులో ఆత్మయె పరమాత్మ.

336. హృదయకమలమే ఆత్మ స్థానము. సూత్రమునందు మణులు ఉన్నట్లు, అన్ని శరీరము లందు ఆత్మ స్వయం ప్రకాశమై ఉన్నది. హృదయము నందు దాని మధ్యలో ఒక సూక్ష్మ రంధ్రము కలదు. అందులో సర్వ రూపుడగు పరమాత్మ జీవాత్మల రూపములో నిక్షిప్తమై వున్నది. అది ఒక ప్రకాశవంతమైన జ్వాల. సాధకుడు ఆత్మానుభవముతో, ఆత్మగా అందరిలోనూ తానే ఉన్నట్లు తెలిసినచో, అది సూత్రాత్మ అనుభవము.

337. జీవునికి గల ఆయుః ప్రమాణము పూర్తి అయిన తరువాత ఆత్మ శరీరమును వదులుచున్నది. పాము కుబుసము విడిచిన పిదప ఆ కుబుసముతో సంబంధము లేనట్లు శరీరమును వదలును. జలమునందు గల ఆత్మ ఆ సమయములో తన చుట్టూ గల జలము కొద్ది కొద్దిగా తగ్గుచూ పూర్తిగా ఇంకిపోయిన తరువాత ఆత్మ శరీరమును వదలుచున్నది. నాలుక ఎండిపోవును. మరణించు సమయమున తులసి తీర్ధము పోయుటకు కారణము అదే. మెరుపు తీగవలె అది అతి సూక్ష్మముగా ఉండును. ఆత్మకు నారాయణుడని పేరు. నారములనగా జలము అని అర్ధము. ఈ విధముగా జలమునందుండువాడు కనుక నారాయణుడని అంటారు.

338. అంగుష్టము వలె ఆత్మ ఉన్నది. హృదయ గుహ యందు కలదు. మనస్సునకు అనేక తలంపులు కలుగుచుండును. తలంపునకు తలంపునకు మధ్య రేప్పవాల్చునంత క్షణము మాత్రము బయలుగా ఉండును. ఆ స్థలమేదో అదే ఆత్మ క్షేత్రము. దానినే చిదాకాశము అంటారు.

339. ఆత్మ శరీరమందలి అన్ని ప్రదేశములందును సంచరించుచుండును. కాని అందు ముఖ్యమైనవి 1) హృదయ కమలము 2) భ్రూమధ్యము 3) బ్రహ్మ కపాలము. ఇవి యోగసాధనా కేంద్రములు. అందుకే భక్తులు ఈ ప్రదేశములందు విభూతి, తిలకాలను ఉంచుతుంటారు.

340. శిశు రూపమును తయారుచేయునది ఆత్మసత్తాయే. శిశువు హృదయ కమలమందు ఏడవ నెలలో జీవి ప్రవేశించును. సృష్టిలోకి ప్రవేశించిన ఇట్టి జీవాత్మ పరమాత్మలో ఐక్యమై నప్పుడు తిరిగి ఆ జీవుడికి జన్మలుండవు.

341. జీవాత్మ శరీరమును, ఇంద్రియములు తానే అని తలచును. కాని పరమాత్మకు వీటితో సంబంధములేక సాక్షిగా ఉండి గమనించును. ప్రతి జీవి యొక్క బీజము పరమాత్మయే. దేహభావన తొలగిన జీవుడు పరమాత్మను పొందును.

342. జీవుడను పక్షి కర్మఫలములను అనుభవించుటకు బందీయైఉన్నాడు. రెండవ పక్షి అయిన ఈశ్వరుడు వాటిని అనుభవించక కేవలము సాక్షిభూతుడై ఉన్నాడు. నాడులందు తిరుగాడుచున్న ప్రాణమే జీవుడు. జీవుడు త్రిగుణములు, సకలేంద్రియములు, వికారములు, స్థూల సూక్ష్మ కారణ శరీరములు, అరిష్వర్గములతో కూడి ఉండును. వీటి నుండి విడుదలయైన జీవుడే పరమాత్మ.

343. సృష్టి యందలి సర్వము బ్రహ్మ స్వరూపములే. జీవుడు ఆ సమస్తములోని వాడగుటచే అట్టి వాడు కూడా బ్రహ్మమే అగును. జీవుడు ఆత్మ స్వరూపుడు. దేహ రక్షణకై నిరంతరము కర్మలు చేయుచుండును. అజ్ఞాని తెలియక, తానువేరు, బ్రహ్మమువేరు అని తలచును.

344. పరబ్రహ్మ యొక్క సూక్ష్మ రేణువులైన కలాపములే జీవుడుగా రూపొందును. జీవునిలోని ఆత్మ స్వయం ప్రకాశమై శరీరమును నడిపించుచున్నది. తాను సాక్షిగా ఉంటుంది. ఆత్మ దర్శనము పొందిన జీవునికి త్రిమూర్తులు వశమగుదురు.

🌹 🌹 🌹 🌹 🌹

#ChaitanyaVijnanam #PrasadBhardwaj #చైతన్యవిజ్ఞానం #BookofDzyan #Theosophy

22.Apr.2019

🌹 పరమాత్మలో ఐక్యత సాధ్యమా? 🌹

🌹  పరమాత్మలో ఐక్యత సాధ్యమా? 🌹

🌹 పరమాత్మ ఎవరు? ఎక్కడ ఉంటాడు? పరమాత్మను ఆత్మ పొందుతుందా? జీవాత్మ పొందుతుందా.......?  🌹

🌹 పరమాత్మ  🌹
సృష్టికి పూర్వం ఒకే ఒక పదార్ధం వుంది అదియే శక్తి, అదియే పరమాత్మ. సృష్టి జరిగినపుడు ఆ శక్తే ప్రకృతిగా మారింది. అంటే బంగారం నుండి మనం వేరే వేరే నగలను ఎలా తాయారు చేస్తామో వాటిని అన్నిటిని కరిగిస్తే తిరిగి బంగారం అవుతుంది. అదేలాగు ఈ సృష్టి కూడ పరమాత్మలోనే వుంది. అంతే కాని పరమాత్మ వేరే ఎక్కడో లేడు. అంటే ఇప్పుడు ఒక నీటి కొలను వుంది అనుకోండి. ఆ నీటి కొలనులో నీటి బుడగలు వస్తాయి మరల అవి నీల్లగా మారి అందులోనే కలిసిపోతాయి. అదేలగు పరమాత్మలోనే సృష్టి అంతా వుంది. దీనినే శ్రీ కృష్ణ భగవానుడు అర్జునడికి... అర్జునా సమస్తం నాలోనే వుంది అని చెప్తాడు.పరమాత్మా అంటే అనంత సాగరం. అందులోనే మనం వున్నాము.

🌹 ఆత్మ 🌹
ఆత్మ అంటే పరమాత్మనే. అదేలాగు అంటే సృష్టి జరిగిన తరువాత పంచ భూతాలతో నిర్మితమైన ఈ నిర్జీవ పదార్థానికి (శరీరానికి) శక్తి ఆత్మే అది ఇందులో వుంది. అయితే ఆత్మే పరమాత్మ ఎలాగు అంటే ఒక సముద్రము నుండి ఒక నీటి బొట్టును పక్కకు తీస్తే అది సముద్రపు నీటికి ఎలా సమానమో అదేలాగో ఆత్మ కూడా పరమాత్మనే. అయితే ఆత్మ ఏమి చేయుట లేదు. ఎలాగంటే మనం ఒక ఇంట్లో ఉంటాము మనం ఒక క్రొవ్వత్తి వెలుగు ద్వార మనం పని చేసుకుంటాము అంటే ఇక్కడ క్రొవ్వత్తి ఏమి పని చేయుటలేదు అదేలాగ ఆత్మ యొక్క శక్తి చేత శరీరము, మనస్సు మరియు బుద్ది పని చేసుకోనుచున్నవి. ఆత్మ యొక్క తత్వాన్ని శ్రీ కృష్ణుడు భగవద్గీతలో చాల విపులంగా వర్ణించాడు.

🌹 జీవాత్మ: 🌹
జీవాత్మ అంటే మనం అహంకారంతో, అజ్ఞానంతో మరియు అవిద్యతో సత్యాన్ని తెలియక నేను అనే అహంకారంతో ప్రోగు చేసుకున్న కర్మలు మరియు ఆత్మను కలిపి జీవాత్మ అని అంటాము.ఇందులో ప్రోగు చేసుకున్న కర్మలకు ఆత్మకు ఎటువంటి సంబందము ఉండదు. అజ్ఞానంతో ఏర్పరచుకున్న కర్మలు తొలిగిపోవడానికి మనం కర్మలు చేస్తూ వుంటాము. వీటి వేటితో కూడా ఆత్మకు సంబందము ఉండదు. నీవు నిజానికి ఆత్మవే. కానీ అజ్ఞానంలో మనం సత్యాన్ని మరచిపోయాము. అందుకే గురువులు అంటారు, మీరు అంతా మరుపులో ఉన్న దేవతలు అని.

🌹  పరమాత్మలో ఐక్యం: 🌹
ఎప్పుడైతే నువ్వు అజ్ఞానంతో ఏర్పరచుకున్న కర్మలను తొలగించుకుంటావో అప్పుడు నువ్వు అయిన ఆత్మవు ఈ అనంత సాగరమైన పరమాత్మలో విలీనం అవుతావు.

అయితే నువ్వు నీ శరీరపు కండ్లతో చూసేది కాదు. దానిని (ఆత్మను) చూడాలంటే సాధన (ధ్యానం) చేసి నీ హృదయంలో సాక్షాత్కరించుకోవాలి.అంటే ఆ అనుభూతి నీ మనస్సుకి మాత్రమే తెలుస్తుంది అది వర్ణింపనలవి కానిది. అప్పుడు శరీరం ఉన్నపుడే నువ్వు ముక్తుడవు అవుతావు.
🌹 🌹 🌹 🌹 🌹
🙏 ప్రసాద్

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 44

🌹 సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 44 🌹
44 వ భాగము

✍️ రచన : పేర్నేటి గంగాధరరావు
📚. ప్రసాద్ భరద్వాజ

🍃 ఆత్మదర్శనము - 1 🍃

325. ఆత్మదర్శనం పొందాలంటే: ఆత్మ అనగా నేమి, దాని స్థానము దాని లక్షణము, జీవాత్మ,పరమాత్మ అను విషయములను గుర్చి తెలుసుకోవాలి.

326. జీవాత్మ పరమాత్మను పొందుటయే యోగము. అందుకు అంతర్‌ దృష్టితో అంతర్ముఖమై సాధన చేయాలి. ఆత్మ నిర్మలము, అనాది, శాశ్వతము, నాశరహితము. అంతర్‌ ప్రజ్ఞయే దాని రూపము. ప్రకాశవంతమైన వెలుగు, జ్యోతి దర్శనము. ఆత్మయే బ్రహ్మము.

327. పురుషుడు, క్షేత్రజ్ఞుడు, సర్వసాక్షి, వికార రహితుడు, పంచ జ్ఞానేంద్రియములకు, పంచ భూతములకు, అతీతమైనది, పరమాత్మ అంశయైనది ఆత్మ. స్వానుభవములో ఆత్మకు పరమాత్మకు భేదములేదు. ఆత్మ లక్షణము సచ్చిదానందము.

328. భౌతిక వస్తువైన ఒక మంచు ముక్కను తీసుకున్నచో అది వేడికి కరిగి నీరవుతుంది. ఇంకనూ వేడి చేసిన అది అగ్నిగా మారి ఆవిరై సూక్ష్మమై వ్యాపిస్తుంది. అది వాయువులో కలిసి వాయువుగా ఇంకా విస్తరిస్తుంది. ఆ వాయువు ఆకాశములో కలుస్తుంది. ఆకాశము అనేక రకాలైన మూలకములతో నిండి ఉంటుంది. మొదట మనం తీసుకున్న మంచు ముక్క ఇపుడు మూలకములుగా విడిపోయింది. ఆ మూలకములు అణువులుగా విడిపోతాయి. అణువులు పరమాణువులుగానూ, ఆ పరమాణువులు గౌతమ బుద్ధుని వివరణ ద్వారా కలాపములుగానూ, ఆ కలాపములు మరల విడిపోయి అష్ట కలాపములుగానూ విడిపోయి వాటి యందు అవే తిరుగాడు చుండును. ఆ అష్టకలాపమునే శివమందురు. అందులో 8 కలాప అణువులు తమ చుట్టూ తాము తిరుగాడు చుండును. దీనినే శివతాండవము అంటారు. ఒక అష్టకలాపములో 8 సూక్ష్మాతి సూక్ష్మమైన కలాపాలుంటాయి. అవి నాట్యమాడుతూ ఉంటాయి. ఆ సూక్ష్మాతి సూక్ష్మమైన అష్ట కలాపాలకు మూలము బ్రహ్మము.

329. బ్రహ్మం సర్వకాల సర్వావస్థలయందు ఏకం, నిత్యం, విమలం, అచలమై సర్వే సర్వత్రా విస్తరించి ఉన్నది. అట్టి బ్రహ్మం ఒకానొకప్పుడు సృష్టి చేయాలనే సంకల్పం చేసుకున్నప్పుడు, ఆ సంకల్పం యొక్క వత్తిడికి స్పందనలు బయలుదేరి అవి తమ చుట్టూ తాము తిరుగుతూ అష్టకలాపములుగా రూపొంది, అవి కలాపములుగానూ, కలాపములు పరమాణువులుగానూ, పరమాణువులు అణువులుగానూ, అణువులు మూలకములుగానూ, మూలకములు ఆకాశముగానూ, ఆకాశము నుండి వాయువు, వాయువు నుండి అగ్ని, అగ్ని నుండి జలము, జలము నుండి భూమి ఏర్పడినది.

330. భూమికి వాసన, నీటికి రుచి, అగ్నికి రూపము, వాయువుకు స్పర్శ, ఆకాశానికి వినికిడి అను పంచ తన్మాత్రలు ఏర్పడినవి. ఇట్లు బ్రహ్మము విశ్వమంత వ్యాపించి తాను అన్నింటి యందు అంతర్లీనమై సాక్షిగా అంటక వున్నది. ఈ విషయమంతా సాధన ద్వారా, యోగము ద్వారా అవగాహన చేసుకొనుటయే జ్ఞానము. అట్టి జ్ఞానమే బ్రహ్మము (ప్రజ్ఞానం బ్రహ్మ).

331. సాక్షిగా సర్వత్ర విస్తరించి ఉన్న ఆత్మ, సాధన ద్వారా యోగిగా వ్యక్తమగుచూ, సాధనలో ముందుకు నడుస్తూ, తానే గురువై సాధన కొనసాగించుటకు తోడ్పడును.

332. ఆత్మ ప్రకాశము ద్వారానే జగత్తు ప్రకాశింపబడుచూ ప్రకాశించుచున్నది. ఈ జగత్‌ అంతయూ ఆత్మచే పరిపూర్ణమై యున్నది. అహం అను అహంభావంతో తానే జ్ఞానరూపమై విరాజిల్లు చున్నది.

333. బ్రహ్మ, విష్ణు, మహేశ్వరులు ఈ బ్రహ్మానికి ప్రతినిధులై సృష్టి స్థితి లయ కారకులై జగత్తును పాలించుచున్నారు. వారిని తెలుసుకొని వారి ద్వారానే బ్రహ్మమును పొందవచ్చు.

334. మానవులు చేసిన పుణ్య పాప కర్మలు ఆత్మకు అంటవు. ఎట్లనగా, భూమిపై పడిన సూర్య కిరణములకు, భూమిపై గల శుద్ధ అశుద్ధ వాసనలు అంటవు. ఆత్మయె సత్యానంద పరబ్రహ్మము.
🌹 🌹 🌹 🌹 🌹

#ChaitanyaVijnanam #PrasadBhardwaj #చైతన్యవిజ్ఞానం #BookofDzyan #Theosophy

21.Apr.2019

మాస్టర్ సివివి యోగము 5-10

🌹 *మాస్టర్ సివివి యోగము* 🌹
*5-10*

*ప్రార్థన యందు నాతో అనుబంధ మేర్పచుకొని నీవు గమనించుట యందే యుండవలెను.  జరుగుచున్న స్పందనములను గాని, భావములను గాని గమనించువానిగ ఉండుము.  సర్వమును నీ గమనికకు రాగలదు.*

*ఏకాగ్రత నా మార్గము కాదు.  గమనించుట, వేచియుండుట మార్గము.*

*గమనించుట కూడ ఒక రకముగ ఏకాగ్రతయే.  కాని గమనించుట యందు ఏ వస్తువు పైనను ప్రజ్ఞ నేకాగ్రము చేయనవసరము లేదు.*
🌹 🌹 🌹 🌹 🌹

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 43

 

🌹 సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 43 🌹 
43 వ భాగము

✍️ రచన : పేర్నేటి గంగాధరరావు
📚. ప్రసాద్ భరద్వాజ

🍃 మక్ష మార్గము - 3 🍃 

315. దక్షిణాయణము, కృష్ణపక్షములో శరీరము వదిలిన వారు సకామకర్మ యోగ సంబంధమైన ప్రకాశమును పొంది తిరిగి జన్మింతురు. ఆత్మ జ్ఞానములేని, ఫలాపేక్ష కలిగిన వాడు తిరిగి జన్మించును. దక్షిణాయణము అధో మార్గము. 

316. మోక్ష లోక ప్రవేశము దేవతలకు కూడా అసాధ్యము. సాధన కొద్ది బ్రహ్మ జ్ఞాన ప్రాప్తి లభించును. చిత్తమును, ఇంద్రియములను నిగ్రహించిన వారికి మాత్రమే మోక్షము సాధ్యము. గురువు కేవలము సాంప్రదాయ బద్ధమైన బోధనయే కానీ సాధన మాత్రము సాధకుడే కొనసాగించవలెను. దీనితో పాటు దైవానుగ్రహము కావాలి. స్వయం కృష్ణి, సాధన, విశ్వాసము, శ్రద్ధ, ఆసక్తి, పురుష ప్రయత్నము ద్వారా ఎవరికి వారె ప్రయత్నించవలెను. కాని చరమ సాధనలో గురు కృప అనెడి సహాయము లభించును. 

317. సాధనలో శ్రేష్ఠమైనది:- అజ్ఞానుల కంటే విగ్రహారాధకులు శ్రేష్ఠులు, విగ్రహారాధకుల కంటే నిర్మల బుద్ధితో బ్రహ్మమును ఆరాధించువారు, వారి కంటే అంతరాత్మలో భగవంతుని తెలుసుకొన్నవారు, వారి కంటే సదా పరమాత్మలో మైమరచి ధ్యానించువారు, వారి కంటే తనను తాను మరచి బ్రహ్మానందములో తేలియాడువారు శ్రేష్ఠులు. 

318. సృష్టి నిర్మాణ కాలమందు పరబ్రహ్మము నుండి జీవులుగా కోట్లాదికోట్ల జన్మలు పొంది ఏదో ఒక జన్మలో సాధన ద్వారా ముక్తిని పొందిన వారు చివరకు ఏదో ఒక జన్మలో మోక్షమును పొందుదురు. సాధనను బట్టి ముందు వెనుక ఉండును. 

319. మోక్షమునకు సాధన సంపత్తి: జ్ఞానము, యోగము, ఇంద్రియ నిగ్రహము, రాగద్వేషములు లేకుండుట, ద్వంద్వాతీతుడై సమత్వ స్థితిలో ఉండాలి. అహంకార రాహిత్యము, చిత్త శుద్ధి, మనోనాశము, వాసనాక్షయము, గృహస్థాశ్రమము, ప్రాపంచిక విషయములు త్యజించుట మొదలగునవి కావలెను. 

320. అనేక పేర్లతో నెలకొల్పబడుతున్న ఆధ్యాత్మిక సంస్థలు, ఆశ్రమాలు, కేంద్రాలు, అభ్యాసమునకేగాని మోక్షమునకు ఉపయోగపడవు. చివరికి ప్రతి వ్యక్తి ఎవరికి వారు ఏకాకియై సాధన చేయాలేకాని జన సమూహములతో కూడి చేయునది మోక్ష సాధన కాదు. కుల, మత, జాతి, భేదములు లేని వారై ఉండాలి. అన్ని రకాల బంధముల నుండి విడివడాలి. వేషధారణ, వివిధాలంకారములు సాధనకు అడ్డంకులు. 

321. నీటి మీద నడుచుట, గాలిలో తేలుట, ఉంగరాలు, హారాలు సృష్టించుట మొదలగునవి మోక్షమునకు తోడ్పడవు. నిజమైన యోగులు జనబాహుళ్యానికి, ప్రజాకర్షణకు దూరంగా ఉంటారు. వారికి సిద్ధులు లభించినప్పటికి వాటిని వినియోగించరు, ప్రదర్శించరు. 

322. మానవునకు స్వయముగా విశిష్ఠ జ్ఞానము కలదు. సృష్టిలోని 84 లక్షల జీవ రాశులలో మానవ జన్మ శ్రేష్ఠమైనది. దానిని ఆత్మాజ్ఞానోపార్జనకు ఉపయోగించి ముక్తిని పొందాలి.

323. మోక్షమునకు ఉపయోగపడనివి: జపతపాలు, పూజలు, ఉపాసనలు, తీర్థయాత్రలు, జంతుబలులు, కీర్తి ప్రతిష్ఠలు, యాగములు మొదలగు భౌతిక సాధనలు వలన ముక్తి లభించదు. 

324. కేవలం ఆత్మానుసంధానము, యోగ సాధన వలననె, బ్రహ్మత్వం, అమరత్వం, భగవదనుగ్రహము వలననె ముక్తి లభిస్తుంది అని నిర్ద్వంద్వముగా తెలియుచున్నది.
🌹 🌹 🌹 🌹 🌹

#ChaitanyaVijnanam #PrasadBhardwaj #చైతన్యవిజ్ఞానం #Theosophy

20.Apr.2019

అనుభవంలోకి తెచ్చుకున్నప్పుడే నిజమైన ఆత్మ జ్ఞానం అంటారు

🌹 *అనుభవంలోకి తెచ్చుకున్నప్పుడే నిజమైన ఆత్మ జ్ఞానం అంటారు*🌹

*నేను దేహం కాదు ఆత్మని అని తెలిసిపోయింది ఆత్మను నేను అని అనుకోవడం ఒక నమ్మకం ఆ నమ్మకాన్ని అనుభవంలోకి తెచ్చుకోవాలి ఆత్మని దర్శించాలి అప్పుడే సంశయాలు అన్ని తొలిగిపోతాయి లేకుంటే ఆత్మని అనే నమ్మకమే మిగిలి ఉంటుంది.*

*ఉదాహరణకు : -*
*అగ్ని ఉంది అది కాలుతుందని అని తెలుసు అగ్ని కాలుతుంది అని తెలుసు అ తెలిసినది అనుభవంలోకి రావాలి అలా రాకపోతే  అగ్ని కాలుతుంది అనే నమ్మకమే మిగిలి ఉంటుంది  అగ్ని కాలుతుంది అనే అనుభవంలోకి తెచ్చుకోవాలి అంటే అగ్ని మనకు అంటాలి  అగ్ని అంటినప్పుడు తెలిసిపోతుంది*
*ఓ ఇది కాలుతుంది అని ఆ తెలుసుకున్న అనుభవం జీవితాంతం గుర్తుండిపోతుంది.*

*అలాగే దేహం నేను కాదు ఆత్మని అని తెలిసి ఉన్న అది అనుభవంలోకి తెచ్చుకున్నప్పుడే నిజమైన ఆత్మ జ్ఞానం అంటారు లేకుంటే నేను ఆత్మని అనే నమ్మకమే మిగిలిపోతుంది.*
🌹 🌹 🌹 🌹 🌹
🙏 *ప్రసాద్*

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 42

 

🌹  సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 42 🌹 
42 వ భాగము
✍️ రచన : పేర్నేటి గంగాధరరావు
📚. ప్రసాద్ భరద్వాజ

🍃 మక్ష మార్గము - 2 🍃 

305. పుణ్య కార్యములను కామ్యకర్మలంటారు. సత్రములు, కోనేరులు, దేవాలయములు, చలివేంద్రములు, అన్నదానములు, వస్త్రాదానము మొదలగువాని వలన స్వర్గము లభించునే కానీ మోక్షము లభించదు. కానీ ఆ కార్యములను నిష్కామముగా చేసిన అపుడు ముక్తికి మార్గము లభించును. 

306. మోక్షము, మరణించిన తరువాత పరలోకములో పొందునది కాదు. అది అనుభవించేది కాదు. ఈ జన్మయందే, భౌతిక స్థితిలోనే, జీవించి ఉండగానే పొందవల్సిందే. అందుకు భౌతిక శరీరం కావాలి. ఇది వార్ధక్యములో చేయవల్సింది కాదు. బాల్యము, యవ్వనములందే మోక్ష సాధన ప్రారంభించి కొనసాగించవలెను. వృద్ధుడైన తరువాత శరీరము క్షీణించిన తరువాత చేయు సాధన వలన ఫలితము ఉండదు. అందుకే శరీరము ఆరోగ్యముగా శక్తివంతమై ఉన్నప్పుడు చేయవలయును. కావున ఎవరు ఈ జన్మ యందే తమ శరీరమును విడువక ముందే, కామ క్రోధాది అరిషడ్వర్గములను జయించగలరో వారే సాధకులు, యోగులు, మోక్షార్హులు. 

307. మోక్షాభిలాష కలవానిని ముముక్షువు అందురు. అందుకు తగిన సాధన చేయాలి. 
ముముక్షువు లక్షణము:- ఏ వికారము లేకుండుట. క్రియారహితులు లేక నిష్కామకర్మ చేయువారు, ఆత్మావగాహన కలవారు, గురువు ద్వారా జ్ఞానము పొందుట, సాక్షి స్థితిలో ఉండుట, తలంపులు తలెత్తకుండునట్లు జీవించుట. 

308. జీవన్ముక్తుడు కానివాడు మోక్ష గృహము చేరలేడు. ఒక వ్యక్తి జీవించి ఉండగనే ముక్తిని పొందుటయే జీవన్ముక్తి. జీవన్ముక్తి రహస్యములను తెలుసుకొని దాని ప్రకారము సాధన చేయాలి. యోగి నిస్సంగిగా జీవ యాత్ర సాగిస్తాడు. మానవులలో శ్రేష్ఠుడు జీవన్ముక్తుడు. బ్రహ్మసాక్షాత్కారము పొందిన వాడు. 

309. జీవన్ముక్తుని లక్షణములు:- విగ్రహారాధన చేయనివాడు, పూజలను వదిలినవాడు, సకల మలిన వాసనలు వదిలినవాడు, అహంకార రహితుడు, బ్రహ్మజ్ఞాని, త్యాగశీలి, పరమాత్మ ధ్యానములో ఉన్నవాడు, ఇష్టాఇష్టములు లేకుండుట, విషయాల సుఖదుఃఖాలు శరీరానికేగాని తనకు కాదని తలచుట, తామరాకుపై నీటి బొట్టువలె జీవించుట, జ్ఞానామృతమును పానం చేయుట. 

310. బంధములే మోక్షమునకు ఆటంకములు. మోక్షమనగా విడుదల అని అర్థము. బంధముల నుండి విడుదల కావలెను. అదియె మోక్షము. సర్వ స్వాతంత్రమే విముక్తి. 

311. బాహ్య బంధములు, అంతర బంధములు అని బంధములు రెండు రకములు. 1) బాహ్యబంధము: ఇది శరీరమునకు సంబంధించినది. ధనము, భార్య, బిడ్డలు, వస్తువులు, వాహనాలు, వ్యవహారములు, శబ్దములు, ప్రపంచ విషయములు. 2) అంతరబంధములు: కామము, క్రోధము, లోభము, మోహము, మదము, మాత్సర్యము, అహంకారము దంభము, దర్పము ఈర్ష్య, అసూయలు రాగము, ద్వేషము మొదలగునవి. 3) స్వభావ బంధములు: సత్వ రజస్‌ తమో గుణములు. 

312. రోదసీలో ఉత్తరాయణ, దక్షిణాయములే మార్గములు. ఉత్తరాయణము మానవ జన్మ రాహిత్యమునకు, దక్షిణాయణము పునఃజన్మలకు మార్గములు. వీటిని అర్చరాది, ధూమ్రాది మార్గములంటారు. 

313. ఉత్తరాయణములో యోగులు, పుణ్యాత్ములు, బ్రహ్మవేత్తలు, మానవ జన్మరాహిత్యమునకు ఈ మార్గమును అనుసరించాలి. శుక్లపక్షము, ఉత్తరాయణము, ఉత్తమగతులకు సరైనది. అంతరిక్షమునందు శుక్లపక్షము పగలు కృష్ణపక్షము రాత్రిగా ఉండును. ఉత్తరాయణ కాలము దేవతల అధీనంలో ఉంది. 

314. భూలోకమున ఒక రాత్రి ఒక పగలు, అంతరిక్షములో 30 రోజులకు సమానము. ఉత్తరాయణము 6 నెలలు పగలు, 6 నెలలు రాత్రి ఉండును. ఉత్తరాయణములో పుణ్యాత్ములు అంతరిక్షమునుండి దేవతల ద్వారా పుణ్యలోకములైన సూర్య చంద్ర లోకములకు చేర్చబడుదురు. అచట నుండి యోగ్యులైన వారిని భగవంతుని యొక్క పరంధామానికి పారిషదులు వచ్చి తీసుకెళ్ళిన తరువాత అపుడు బ్రహ్యైక్యము సిద్ధించును. కావున యోగి అగ్ని, ఆకాశము, పగలు, శుక్లపక్షము, ఉత్తరాయణముల ద్వారా బ్రహ్మమును చేరును.
🌹 🌹 🌹 🌹 🌹

#ChaitanyaVijnanam #PrasadBhardwaj #చైతన్యవిజ్ఞానం #Theosophy

19.Apr.2019

హిందూ ఋషులు జాబితా

హిందూ ఋషులు జాబితా
అక్షర క్రమంలో హిందూ ఋషుల పేర్లు

🙏🏻🙏🏻🙏🏻🕉🕉🕉🙏🏻🙏🏻🙏🏻

అ - ఆ - ఇ - ఈ - ఉ - ఊ - ఋ - ఎ - ఏ - ఐ - ఒ - ఓ - ఔ - అం - క - ఖ - గ - ఘ - చ - ఛ - జ - ఝ - ట - ఠ - డ - ఢ - త - థ - ద - ధ - న
ప - ఫ - బ - భ - మ -య - ర - ల - వ - శ - ష - స - హ - ళ - క్ష

దేవర్షి : దేవలోకంలో ప్రతిష్ఠి కలవారు దేవర్షులు.
బ్రహ్మర్షి : ఉత్తమ శ్రేణికి చెందిన మహర్షులను బ్రహ్మర్షులు అంటారు.
మహర్షి : సామాన్య ఋషి స్థాయిని దాటిని గొప్ప ఋషులను మహర్షి అంటారు.
రాజర్షి : రాజుగా ఉంటూనే ఋషిత్వం పొందినవాడు రాజర్షి.
అ
అగ్ని మహర్షి
అగస్త్య మహర్షి
అంగీరస మహర్షి
అంగిరో మహర్షి
అత్రి మహర్షి
అర్వరీవత మహర్షి
అభినామన మహర్షి
అగ్నివేశ మహర్షి
అరుణి మహర్షి
అష్టావక్ర మహర్షి
అష్టిక మహర్షి
అథర్వణ మహర్షి
ఆత్రేయ మహర్షి
అథర్వాకృతి‎
అమహీయుడు
అజామిళ్హుడు‎
అప్రతిరథుడు‎
అయాస్యుడు‎
అవస్యుడు
అంబరీషుడు
ఇ
ఇరింబిఠి‎

ఉ
ఉపమన్యు మహర్షి
ఉత్తమ మహర్షి
ఉన్మోచన
ఉపరిబభ్రవుడు
ఉద్దాలకుడు‎
ఉశనసుడు
ఉత్కీలుడు
ఊ
ఊర్ఝ మహర్షి
ఊర్ద్వబాహు మహర్షి
ఋ
ఋచీక మహర్షి
ఋషభ మహర్షి
ఋష్యశృంగ మహర్షి
ఋషి

ఔ
ఔపమన్యవ మహర్షి
ఔరవ మహర్షి
క
కపిల మహర్షి
కశ్యప మహర్షి
క్రతు మహర్షి
కౌకుండి మహర్షి
కురుండి మహర్షి
కావ్య మహర్షి
కాంభోజ మహర్షి
కంబ స్వాయంభువ మహర్షి
కాండ్వ మహర్షి
కణ్వ మహర్షి
కాణ్వ మహర్షి
కిందమ మహర్షి
కుత్స మహర్షి
కౌరుపథి‎
కౌశికుడు‎
కురువు
కాణుడు‎
కలి
కాంకాయనుడు
కపింజలుడు‎
కుసీదుడు
గ
గౌతమ మహర్షి
గర్గ మహర్షి
గృత్సమద మహర్షి
గృత్సదుడు‎
గోపథుడు‎
గోతముడు
గౌరీవీతి
గోపవనుడు
గయుడు
చ
చ్యవన మహర్షి
చైత్ర మహర్షి
చాతనుడు‎
జ
జమదగ్ని మహర్షి
జైమిని మహర్షి
జ్యోతిర్ధామ మహర్షి
జాహ్న మహర్షి
జగద్బీజ
జాటికాయనుడు‎
త
తండి మహర్షి
తిత్తిరి మహర్షి
త్రితుడు
తృణపాణి
ద
దధీచి మహర్షి
దుర్వాస మహర్షి
దేవల మహర్షి
దత్తోలి మహర్షి
దాలయ మహర్షి
దీర్ఘతమ మహర్షి
ద్రవిణోదస్సు‎
న
నచికేత మహర్షి
నారద మహర్షి
నిశ్ఛర మహర్షి
సుమేధా మహర్షి
నోధా
నృమేధుడు
ప
పరశురాముడు
పరాశర మహర్షి
పరిజన్య మహర్షి
పులస్త్య మహర్షి
ప్రాచేతస మహర్షి
పులహ మహర్షి
ప్రాణ మహర్షి
ప్రవహిత మహర్షి
పృథు మహర్షి
పివర మహర్షి
పిప్పలాద మహర్షి
ప్రత్య్సంగిరసుడు
పతివేదనుడు
ప్రమోచన‎
ప్రశోచనుడు‎
ప్రియమేథుడు
పార్వతుడు
పురుహన్మ‎
ప్రస్కణ్వుడు
ప్రాగాథుడు
ప్రాచీనబర్హి
ప్రయోగుడు
పూరుడు
పాయు
బ
భరద్వాజ మహర్షి
భృగు మహర్షి
భృంగి మహర్షి
బ్రహ్మర్షి మహర్షి
బభ్రుపింగళుడు
భార్గవవైదర్భి‎
భాగలి
భృగ్వంగిరాబ్రహ్మ
బ్రహ్మస్కందుడు‎
భగుడు‎
బ్రహ్మర్షి
బృహత్కీర్తి‎
బృహజ్జ్యోతి‎
భర్గుడు
మ
మరీచి మహర్షి
మార్కండేయ మహర్షి
మిత మహర్షి
మృకండు మహర్షి
మహాముని మహర్షి
మధు మహర్షి
మాండవ్య మహర్షి
మాయు
మృగారుడు‎
మాతృనామ‎
మయోభువు‎
మేధాతిథి
మధుచ్ఛందుడు
మనువు
మారీచుడు
య
యాజ్ఞవల్క మహర్షి
యయాతి‎
ర
రురు మహర్షి
రాజర్షి మహర్షి
రేభుడు
వ
వశిష్ట మహర్షి
వాలఖిల్యులు
వాల్మీకి మహర్షి
విశ్వామిత్ర మహర్షి
వ్యాస మహర్షి
విభాండక ఋషి
వాదుల మహర్షి
వాణక మహర్షి
వేదశ్రీ మహర్షి
వేదబాహు మహర్షి
విరాజా మహర్షి
వైశేషిక మహర్షి
వైశంపాయన మహర్షి
వర్తంతు మహర్షి
వృషాకపి
విరూపుడు‎
వత్సుడు‎
వేనుడు
వామదేవుడు‎
వత్సప్రి
విందుడు
శ
శంఖ మహర్షి
శంకృతి మహర్షి
శతానంద మహర్షి
శుక మహర్షి
శుక్ర మహర్షి
శృంగి ఋషి
శశికర్ణుడు
శంభు‎
శౌనకుడు
శంయువు‎
శ్రుతకక్షుడు
స
సమ్మిత మహర్షి
సనత్కుమారులు
సప్తర్షులు
స్థంభ మహర్షి
సుధామ మహర్షి
సహిష్ణు మహర్షి
సాంఖ్య మహర్షి
సాందీపణి మహర్షి
సావిత్రీసూర్య
సుశబ్దుడు‎
సుతకక్షుడు‎
సుకక్షుడు‎
సౌభరి
సుకీర్తి‎
సవితామహర్షి సామావేదానికి మూలము.
సింధుద్వీపుడు
శునఃశేపుడు
సుదీతి
హ
హవిష్మంత మహర్షి
హిరణ్యరోమ మహర్షి

🙏🏻🙏🏻🙏🏻🕉🕉🕉🙏🏻🙏🏻🙏🏻

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 41

 

🌹 సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 41 🌹 
41 వ భాగము

✍️ రచన : పేర్నేటి గంగాధరరావు
📚. ప్రసాద్ భరద్వాజ

🍃 మక్ష మార్గము - 1 🍃 

296. మోక్ష మనునది ఒక ప్రదేశముకాదు. అది ఒక అనుభూతి. సహజ స్థితి. దీనికి ముక్తి, కైవల్యము, సంపూర్ణ స్వాతంత్య్రము, లయము, ఐక్యము, బంధ విముక్తి, అమృతత్వము, బ్రహ్మత్వము అను పర్యాయ పదములు కలవు. ఇదియె బ్రహ్మానంద ప్రాప్తి. ఇంకను నిర్మాణము, అపవర్గము, పరమ పదము అని కూడా అందరు. 

297. బంధ రహితము పొందినపుడే మోక్షము. బంధ విముక్తి పొందాలంటే మోక్ష సాధన మార్గాలను అనుసరించాలి. పునఃజన్మ రహితమైనదే మోక్షము. ఇది స్వయం ప్రకాశము. జనన, మరణ, విషచక్రము నుండి విముక్తియె మోక్షము. మోక్ష స్థితిని అనుభూతి పొందినవారు కూడా దానిని వర్ణించలేరు.

298. సచ్చిదానందమనగా సత్‌, చిత్‌, ఆనంద రూపము. ఏకరూపమైనది సత్‌. బాహ్య వస్తువులను ఏది గ్రహించునో అది చిత్‌. ఏ ఉపాధి లేని సుఖము ఏదో అదే ఆనందము. 

299. కైవల్యమనగా బ్రహ్మ జ్ఞానము వలన పొందిన ఏకైక సిద్ధి. అఖండ ఆనందమైన మోక్షమే కైవల్యము. ఆత్మ స్వాతంత్య్రమే కైవల్యము. సాధకుని చరమ లక్ష్యము కైవల్యము. దానినే అమృతత్వము అని కూడా అంటారు. 

300. మోక్ష గృహము బయట ఎచటోలేదు. అది మనలోనే ఉన్నది. అది ఉన్నదని తెలియకపోవుటయే అజ్ఞానము. అది తెలుసుకొనుటే జ్ఞానము. అదియే ఆత్మ. ఆత్మ స్థితియె మోక్షము కావున నీ హృదయమందే మోక్ష సామ్రాజ్యము కలదు. దేహమే దేవాలయము. జీవుడే దేవుడు. ''అహం బ్రహ్మాస్మి'' అట్టి బ్రహ్మ స్థితిని అనుభూతి పొందుటయే మోక్షము. మోక్షము ఇంద్రియాతీతమైనది. దేహాతీతమైనది. దేవాలయములలో, పుణ్యతీర్ధములలో, నదీతీరములలో మోక్ష గృహము లేదు. ఎక్కడ ఎప్పుడు భ్రాంతి రహితమో - అప్పుడే అక్కడే ముక్తి లేక మోక్షము. 

301. మోక్షము మరణించిన తరువాత పొందేది కాదు. జీవించి ఉండగనే పొందే స్థితి. జీవన్ముక్తిని పొందుటే మోక్షము. ఇది పరలోక ప్రాప్తి కాదు. జ్ఞాన వైరాగ్య సంపన్నులకు తన అంతరాత్మ యందే మోక్షము కలుగును. ఆత్మ విచారణే మోక్షమునకు మార్గము. నిర్మల చిత్తమే మోక్షము. మోక్షమునకు అంతఃస్ఫూర్తి, జ్ఞానము అవసరము. హృదయమునందు ధ్యానము చేయుట వలన మోక్ష రూపమైన తన స్వరూపము తెలుసుకొనబడును. శరీరమందుగల మనస్సు, చిత్తము, బుద్ధి, అహంకారములు నశించిన తక్షణమే ఆత్మ దర్శనం అగును. అంతఃజ్యోతి దర్శనమే ఆత్మ దర్శనము. 

302. మోక్షము పొందునది జీవాత్మ. ఇది మాయతో కప్పబడి ఉన్నది. జీవాత్మ పరమాత్మ యొక్క అంశయే. జ్ఞానులు మాత్రమే ఈ రహస్యమును తెలుసుకొని మోక్షమును పొందుచున్నారు. అంతర్ముఖియై గమనించిన తేజోవంతమైన దివ్య జ్యోతి దర్శనమై బ్రహ్మానంద స్థితి ఏర్పడును. 

303. దివ్య భోగములు అనుభవించు పరలోకమే స్వర్గము. ఇది ఇంద్రుని లోకము. ఇది భోగవస్తు నిలయము. ఇచట శారీరక, మానసిక శక్తులు, ఆయుర్ధాయము భూలోక మానవుల కంటే ఉన్నతముగా ఉండును. 

304. స్వర్గలోక ప్రాప్తి కలగాలంటే యోగి యజ్ఞయాగాధి కర్మలు, వేదాధ్యయనము, పుణ్య కార్యములు చేయవలెను. స్వర్గ ప్రాప్తి పొంది అందు తగిన పుణ్య ఫలమును అనుభవించిన తక్షణమే ఆ స్వర్గము నుండి వేరేలోకమునకు నెట్టివేయబడును. భూలోకమున జన్మించి మిగిలిన పాపకర్మలు ఏవైన ఉన్నచో వాటిని తొలగించుకొనవచ్చును. అనగా పుణ్య కార్యముల వలన పుణ్య లోకములు, పాప కార్యముల వలన భూలోకము నందు జన్మించవల్సిందే. ఈ విధముగా జీవుడు భూలోకమునుండి స్వర్గము, అచ్చట నుండి భూలోకము జన్మలు తీసుకుంటూ చివరకు ఆత్మ జ్ఞానము పొందినపుడే జన్మ పరంపరలకు ముక్తి లభించును. మోక్షము పొందాలంటే భూలోకములోనే సాధన చేయవల్సి ఉంటుంది.
🌹 🌹 🌹 🌹 🌹

#ChaitanyaVijnanam #PrasadBhardwaj #చైతన్యవిజ్ఞానం #Theosophy

18.Apr.2019

Vijnana Bhairava Tantra 1

🌹 *Vijnana Bhairava Tantra* 🌹
*Part 1*

*1: Sri Devi says: O Deva, I have heard in detail all that has been revealed through the union of Rudra and his shakti or what has emerged from the Rudrayamala Tantra. I have also understood Trika, or the three divisions of Shakti, which forms the quintessence of all knowledge.*

*2: Oh God, from the point of view of absolute reality, what exactly is the essential nature of Bhairava? According to Bhairava Agama, does it consist of the energies of the multitude of letters (sabdarasikalamayam)*

*3: Or does it consist of nine different forms (navatmabhedena) for the realization of the essential nature of Bhairava, or does it consist of the specific mantra that unites in an integral form the three divisions as described in Trisirobhairava, or does it consist of three Saktis?*

*4: Or does it consist of nada (power of mantra inseparably present as vimarsa in all the words) or of vindu (power of mantra inseparably present in all the objects of the universe as Prakasa) or does it consist of ardhacandra, nirodhika, or does it consist of some mysterious power residing in the Cakras (energy centres in the body)? or the vowel-less sound of ha, or does it consist of purely Sakti?*

*5: Is your reality transcendent and immanent or is it completely immanent or completely transcendental? If it is immanent then the very nature of transcendence is contradicted.*
🌹 🌹 🌹 🌹 🌹
🙏 *Prasad*

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 40

 

🌹 సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 40 🌹 
40 వ భాగము

✍️ రచన : పేర్నేటి గంగాధరరావు
📚. ప్రసాద్ భరద్వాజ

🍃 యగ మాయ - 3 🍃 

289. ఈ మాయా శక్తి యందు కోట్లకొలది రేణువులు ఉత్పత్తి, స్థితి, లయములను పొందుచుండెను. చిత్‌ బ్రహ్మము మాయా శక్తిచే ఆవరింపబడి ఉన్నది. చిదణువు నుండె సృష్టి ఏర్పడుచున్నది. వడ్లగింజ పొట్టుచే మూయబడినట్లు జీవుని మాయా ఆవరించియున్నది. 

290. తల్లి గర్భమున శిశువుకు పూర్ణ జ్ఞానముండును. ఆ స్థితిలో తాను తన పూర్వజన్మలలో చేసిన పుణ్యపాపకర్మలను తలచుకొనుచూ, పశ్చాత్తాప పడుచూ, ఈ జన్మలోనైనా జ్ఞానముతో సత్కర్మలతో జీవింతునని తలచుకొనుచూ, దుర్గంధ సహితమైన మలమూత్ర నరక కూపమునందు వసించుచుండును. అట్టి స్థితిలో వైష్ణవ మాయ కమ్మి శిశువు అధోముఖముగా తల్లి గర్భమునుండి భౌతిక ప్రపంచమున ప్రవేశించును. 

291. మాయతో ఆవరించి ఉన్న ఆత్మను దర్శించాలంటే జీవుడు తన చుట్టూ ఆవరించి ఉన్న మాయను జయించాలి. అపుడే ఆత్మ సాక్షత్కారమై జీవుడు ఆత్మను దర్శించును. జ్ఞాని అగును. జీవాత్మ పరమాత్మ ఒక్కటే. 

292. పదార్థములన్నియూ మూల ప్రకృతి నుండి ఉద్భవించి అందే లయమగుచున్నది. సమస్త ప్రాణికోటి ప్రళయకాలమున మాయ యందు అణగిఉండి, తిరిగి సృష్టి కార్యమున జన్మించును. కల్పారంభమున భగవంతుడు జీవులను మరల సృజించుచున్నాడు. కాని పరబ్రహ్మ మాయకు అంటనివాడు. 

293. బ్రహ్మకు పగలు ప్రారంభము కాగానే మాయవలన చరాచర ప్రపంచము తెలియుచున్నది. బ్రహ్మకు రాత్రి సమయము కాగానే మాయ లయమై జీవులు అందు అణగి ఉండును. అలానే జీవుడు పగలంతా కోతి వలె సంచరించుచుండును. రాత్రి సమయమున నిద్రించును. 

294. దేవతల, మానవుల కాల ప్రమాణము ఈ క్రింది విధముగా ఉండును. 
దేవతల కాలము మానవుల కాలము 
24 గంటలు 1 సంవత్సరము 
1 నెల 30 సంవత్సరాలు 
1 సంవత్సరము 360 సంవత్సరములు 
1 యుగము 12,000 సంవత్సరములు 
1 మహా యుగము 43,20,000 సంవత్సరములు 
కలియుగము : 4,32,000 సంవత్సరాలు 
ద్వాపరయుగము : 8,64,000 సంవత్సరాలు 
త్రేతాయుగము : 12,96,000 సంవత్సరాలు 
కృతయుగము : 17,28,000 సంవత్సరాలు 
మహా యుగము మొత్తము 43,20,000 సంవత్సరాలు 
1000 యుగములు బ్రహ్మకు 1 పగలు 
1000 యుగములు బ్రహ్మకు 1 రాత్రి 
అనగా 1000 þ 4,32,000 = 43,20,00,000 సంవత్సరాలు బ్రహ్మకు 1 పగలు. 
అలానే బ్రహ్మకు రాత్రి పగలు కలిసి 86,40,00,000 సంవత్సరాలు 1 రోజు. 
బ్రహ్మ యొక్క పగలు కల్పము 
బ్రహ్మ యొక్క రాత్రి ప్రళయము 
బ్రహ్మ యొక్క 30 రోజులు- బ్రహ్మకు 1 నెల 
బ్రహ్మ యొక్క 12 నెలలు - బ్రహ్మకు 1 సంవత్సరము బ్రహ్మకు 100 సంవత్సరాలు బ్రహ్మ యొక్క ఆయుర్థాయము కావున బ్రహ్మ జీవితము కూడ పరిమితమైనదే అలానే మిగిలిన లోకములు. కేవలము పరబ్రహ్మ మాత్రమే శాశ్వతము. 

295. భ్రాంతి తొలగించుటకు సాధకుని కర్తవ్యములు:- భగవత్‌ ధ్యానము. ధ్యానము వలన జ్ఞానము లభించి భ్రాంతి తొలగును. అపుడు భగవత్‌ ప్రాప్తి లభించును. నిరంతర సాధన, పురుష ప్రయత్నము, శాస్త్ర పఠనము, ఆధ్యాత్మిక విచారణ, దైవ స్మరణ, భక్తి శ్రద్ధల ద్వారా భ్రాంతి తొలగును. స్వస్వరూప జ్ఞానము (ఆత్మ దర్శనం) వలన మాయ తొలగును. మాయను మాయతోనే నశింపజేయవలెను. నిరంతర యోగాగ్నిలో మాయ భస్మం అగును.
🌹 🌹 🌹 🌹 🌹

#ChaitanyaVijnanam #PrasadBhardwaj #చైతన్యవిజ్ఞానం #Theosophy

17.Apr.2019

ఉన్నత విలువలు - వాటి క్షీణత వల్ల మనకు లభించే ఫలితాలు

🌹 *ఉన్నత విలువలు - వాటి క్షీణత వల్ల మనకు లభించే ఫలితాలు* 🌹

*పూర్వం సాహిత్యం విలువలు కలిగి ఉండేది. అది ఈనాడు అంతగా ఉన్నట్టు కనబడదు. సృష్టి కూడా ఉన్నతంగా ఎన్నో దివ్యమైన సంకల్పములుతో ఏర్పడినదే అమరత్వంగా. కానీ క్షీణత దాని లక్షణముగా ఆయిపోయింది పదార్ధ జగతిలో.*

*ప్రతీ దాని లోనూ ఈ నశ్వర సిద్ధాంతం కనబడుతుంది. పుట్టిన ప్రతివాడు కల్మష రహితంగానే ఉంటాడు. నెమ్మదిగా తనవి కాని వాటిని సొంతం చేసుకుని ఆట మొదలు పెట్టి, అనేక దుఃఖ అనుభవములతో కూడి తొలగిపోతాడు. సాధనలు అంతే. మొదలు పెట్టినప్పుడు అతి ఉత్సాహం, నెమ్మదిగా నిరాశకు గురవుతారు. పట్టుదల కనిపించదు. సంకల్పం నుంచి విముఖులవుతారు.*

*ఈ జీవితానికి వచ్చే ముందు ఆత్మల లోకంలో శపధాలు చేస్తారు. తరువాత నానా విధ ఆలోచనలు. అందుకే దైవం స్థిరమైన బుద్ధి కలిగిన వారి కోసం కాగడా పెట్టి వెతుకుతాడు. వారికే పరిణామక్రమము లో ఉన్నతినిస్తాడు. మరి ఆయన స్థిరమైన వాడు కదా అందుకే.*

*దృఢ సంకల్పమే అన్నిటికన్నా ముఖ్యమైనది ఆధ్యాత్మిక పధంలో.*

*మంచి విలువలతో ప్రారంభం అయిన ఎన్నో ఆత్మికమైన సంబంధాలు కూడా చివరికి సాధారణ మానవీయ విలువలకు తరువాత ఆసురీ విలువలకు పడిపోతున్నాయి.*

*సాధనాపరమైన విషయాలు వరకూ సంభాషణలు వుంటే అవి ఉద్ధరణకు సహాయ పడతాయి. ఏ విషయంలో అయినా క్షీణతకు దారి తీసే అంశాల పట్ల అందరూ జాగురూకులై ఉండాలి.*

*మీరు ఆధ్యాత్మికంగా ఎదగాలి అంటే మీరు తెలుసుకోవలసిన అతి ముఖ్యమైన విషయం “మీ వాస్తవానికి మీరే సృష్టికర్తలు” మీ జీవితంలో జరుగుతున్న ప్రతిదానికి మీరే కారణం అన్న బాధ్యతను తీసుకోవాలి. మీ జీవితంలో ప్రతి ఒక్కటి కూడా మీ ఆలోచన లేక భావాలు మూలంగా జరుగుతాయి. మీరు ఇప్పుడు ఏ స్థితిలో ఉన్నా ఆ స్థితిని తప్పుగా భావించవద్దు. మీ భవిష్యత్తును ఎంతో పాజిటివ్ గా సృష్టించుకోండి. ధ్యానము మరి ఊహా శక్తి ద్వారా.*

          *దేని గురించైనా మీలో నెగిటివ్ భావాలు వస్తున్నట్లయితే, ఒక్క క్షణం ఆగి మీ అంతరాత్మను అడగండి, “దీనివల్ల నేను ఏమి నేర్చుకోవాలో ?” అని.*

    *మీరు ఉన్నత లక్ష్యాల కోసం పని చేస్తున్నప్పుడు, పట్టు విడవకుండా, ఎంతో ఇష్టంతో, స్థిరంగా పనిచేయవలసి ఉంటుంది. ఆధ్యాత్మిక లక్ష్యాలు అత్యున్నత లక్ష్యాలు.*
🌹 🌹 🌹 🌹 🌹
🙏 *ప్రసాద్*

సవికల్ప - నిర్వికల్ప సమాధి అంటే ?

🌹 సవికల్ప - నిర్వికల్ప సమాధి అంటే ? 🌹

నిర్వికల్ప సమాధి స్థితి ఉన్నతమైన ఏకాగ్రతతో ఏవిధమైన భావములు లేకుండా సాధన చేసి సిద్దిపొందిన ఒకానొక స్ధితి.

నిర్వికల్ప సమాధి స్థితిలో మనస్సు నిశ్చలముగా  వుంటుంది కనుక. అపుడు సాధకుడు ఆనంద స్థితిలో మునిగి, ఏవిధమైన శబ్దములు, వస్తువులు లేకుండా వాటి అతీతముగా; గాలి లేని చోట నిశ్చలముగా వెలిగే దీప శిఖ వలె ఆత్మలో  లీనమై వుంటుంది.

సవికల్ప సమాధికి నిర్వికల్ప సమాధి ఏవిధముగా వేరైనదో ఇపుడు తెలుసుకుందాము.

సవికల్ప సమాధి అనేది సాధకులు కొద్ది రోజులు సాధనలో సాధకునికి  దొరికే  ఒక చిన్న స్థితి.
ఆ స్థితికే చాలా మందకి యోగ భ్రష్టత్వం కలుగుతుంది. అలా కలుగకుండా ఎవ్వడు సాధన చేయునో వాడే నిర్వికల్ప సమాది సిద్దుడు. నిర్వికల్ప సమాది సిద్ది కలిగిన   యోగి  రుద్ర సమానుడు.  కనుక నిర్వికల్ప సమాధి స్థితిని స్థిరముగా సాధన చేసిన మనస్సు బంధనాలకు కారణమైన జ్ఞానేంద్రియాల నుండి విముక్తి చెందుతుంది. ఎపుడైతే మనస్సు భౌతిక ప్రపంచము నుండి విముక్తి పొందుతుందో అపుడు నిర్వికల్ప సమాధి స్థితి గాలి లేని చోట నిశ్చలముగా వెలిగే దీపము వలె ఏవిధమైన చలనము లేకుండా నిశ్చల స్థితిలో ఉంటుంది.

గాలి లేని కుండలో నిశ్చలముగా వెలిగే దీపము వలె యోగి యొక్క మనస్సు స్థిరమై ఏకాగ్రతలో సాధన చేయగలుగుతాడు.
ఇచట ఏ వస్తువులు, కోరికలు లేని స్థితిలో శబ్దాలకు వస్తువులకు అతీతముగా సాధన జరుగును. అపుడు ఆత్మ యొక్క ఉన్నతమైన అనుభూతి ఏర్పడుతుంది.

మాయకు, అజ్ఞానానికి అతీతముగా ప్రాపంచిక చింతనలు లేని పరమానంద స్థితిని అనుభవిస్తూ శాశ్వతము, పుట్టుక, అంతములేని ఆత్మానుభూతిని యోగి అనుభవిస్తాడు. ఆ సమయములో సాధకుడు సువాసనలు వెదజల్లుతూ రసానూభూతిలో (ఆత్మానూభూతి) ఓలలాడుతుంటాడు. అట్టి రసానూభూతి వలన సాధకుడు తాను ఆత్మానందం  అవిస్తుంటాడు. అంతే కాకుండా అతడు ఆ రసానూభూతి వలన తనను తాను ఎంతో కాలము అదుపులో ఉంచుకోన లేకుండును.అట్టి సమయమున గురువు చాలా అవసరం సుమా.

ఈ నిర్వికల్ప సమాధి స్థితిలో ఉన్నతమైన ఏకాగ్రత ఏర్పడి సాధకుడు తన నిజమైన జీవాత్మను తెలుసుకొన గలుగుతాడు. ఈ స్థితిలో మనసు యొక్క పనులు ఆగిపోతాయి. బ్రహ్మానంద స్థితిని తెలుసుకొంటాడు. ఇట్టి స్థితిని అసంప్రజ్ఞ సమాధి స్థితి అని కూడా అంటారు.

ఈ సమయములో కర్త, కర్మ, క్రియల సంబంధము ఉండదు. ఒక రాయి ఏవిధముగా నిశ్చల స్థితిలో ఉంటుందో అదే విధముగా ఈ సమాధి స్థితిలో సాధకుడు ఉంటాడు. కారణము మనసు పనిచేయదు. కాని దానిని గాఢ నిద్రతో పోల్చరాదు. గాఢ నిద్రలో కూడా ద్వంద్వ స్థితి ఉండదు. రెంటికి తేడా ఏమిటంటే- గాఢ నిద్రలో ఆత్మ జ్ఞానముండదు కాని నిర్వికల్ప సమాధి స్థితిలో ఆత్మ జ్ఞానము యొక్క ఎఱుక ఉంటుంది. అదే దివ్యానంద స్థితి.

ఏ స్థితిలో అయితే కోరికలన్ని పూర్తిగా తొలగిపోతాయో అపుడు యోగి రాయి వలె నిశ్చలుడవుతాడు. అయితే గాఢ నిద్ర ఆత్మిక స్థితి మాత్రము కాదు.

నిర్వికల్ప సమాధి స్థితిలో సాధకుడు సత్యాసత్యములకు, మంచి చెడులు మొదలగు ద్వంద్వాలకు తేడా తెలుసుకొని ఉంటాడు. అట్టి స్థితిలో సాధకుడు ప్రాపంచిక వ్యవహారాలన్నింటికి అతీతుడై ఉంటాడు. ఈ స్థితి పూర్తిగా బంధన రహితమైనట్టిది.

ఎందువలనంటే అతనికి: ప్రకృతి పురుషులకు అనగా ప్రపంచము బ్రహ్మానికి తేడా తెలిసి ఉంటుంది.

ఎవరైతే పూర్తిగా ప్రాపంచిక విషయములందు విరాగియై ఉంటాడో అతడే ఇట్టి సమాధి స్థితిని పొందగలిగి ఉంటాడు. అతడు అత్యంత శక్తి వంతుడై అన్నింటి విషయాన్ని సాధించ గలుగుతాడు. ఈ సమాధి స్థితిలో అన్ని విధములైన ఆలోచనలు, భావనలు తొలగిపోయి కేవలం బ్రహ్మానందములో లీనమై ఉంటాడు.

అది ఎలాంటి స్థితి అంటే ఖాళీ కుండను ఆకాశంలో ఉంచినపుడు, ఆ కుండ లోపల, బయట ఏమీ లేనపుడు, మరియు అది ఎలాంటిదంటే అది పూర్తిగా సముద్రములో ఆ కుండను ముంచినపుడు దానిలోపల, బయట పూర్తిగా నీటితో నిండిన స్థితి. అనగా ఏమీ లేని స్థితి మరియు అన్ని ఉన్న స్థితి.

సమాధి సాధన ద్వారా సాధకుడు ఆత్మ దర్శనం పొందగలుగుతాడు. అదే ఎఱుకతో కూడిన ఆనంద స్థితి. ఈ సాధన బాహ్య వస్తువు యొక్క సహాయముతో కూడా చేయవచ్చు. అట్టి సాధన ద్వారా బ్రహ్మము యొక్క స్థితిని ఎవరైన గ్రహించవచ్చు. బ్రహ్మము, ఆత్మ ఒక్కటే.

మొదటి రకం సమాధి అనగా సవికల్ప సమాధి. బాహ్య వస్తు సహాయంతో సాధించవచ్చు. దానికి అంతర వస్తు సహాయము కూడా తీసుకొనవచ్చు. ఈ సమాధిలో పేరు, ఆకారము వేరుగా ఉన్నప్పటికి స్వచ్ఛమైన బ్రహ్మము మాత్రము ఒక్కటే.

సవికల్ప సమాధిలో బాహ్యమైన సూర్యుడు మొదలగువానిపై ధ్యాస ఉంచి సాధన చేయవచ్చు. అంతర్గతమైన కోరికలపై ధ్యాస ఉంచి సాధన చేయవచ్చు. అనగా సూర్యుని తన కోర్కె తీర్చుటకు ప్రార్థన చేయవచ్చు. కనిపించే వస్తువు పేరు వేరువేరైనప్పటికి పట్టించు కొనవలసిన పనిలేదు. ఎందువలనంటే సచ్చిదానంద స్వరూపమైన ఆత్మ యొక్క ఎఱుక ఉంటుంది. వస్తువు యొక్క ఆకారము అప్పటికి నిజమైన శాశ్వతమైన బ్రహ్మమే, అసలైన సత్యము.

ప్రతి వస్తువుకు మూడు లక్షణాలుంటాయి. 1. అది ఉన్నది. 2. కనిపించేది. 3. ఆకర్షణ. ఇతర మార్పులు, పేర్లు, ఆకారములు సాధకుడు తన మనస్సును స్వచ్ఛమైన బ్రహ్మపై కేంద్రీకరించినపుడు మార్పు చెందే పేర్లు, ఆకారములను పట్టించుకోకూడదు. ఇందులో బాహ్యమైన శబ్దమును ఆధారము చేసుకొని సవికల్ప సమాధి స్థితిని సాధన చేయుట తెలుపబడింది.

ఈ స్థితిలో గతము, వర్తమానము, భవిష్యత్తులోనూ మార్పు లేని; సమయము, ప్రదేశముతో సంబంధము లేని సవికల్ప సమాధిని వ్యక్తం చేయుట జరుగుతుంది. ఇది పేరు వస్తువుపై చేసే సవికల్ప సమాధి స్థితి కంటే ఉన్నతము. మరియు నిర్వికల్ప సమాధి స్థితి కంటే అల్పము అయినది. ఈ స్థితిపై రెండింటికి సంబంధము ఉన్నది.

నిర్వికల్ప సమాధి స్థితిని ఎలా సాధన చేయాలో చెబుతా వినండి.

స్థిరత్వములేని మనస్సు సర్వదా అన్ని విషయములపై చలిస్తూ ఉంటుంది. అట్టి మనస్సు సమాధి స్థితిలో దివ్యానందాన్ని పొంది నిర్వికల్ప సమాధి స్థితిలోకి చేరుకుంటుంది. ఆ స్థితిలో సాధకుడు 6 విధములైన సమాధి స్థితులను అనుభవిస్తాడు.

సాధకుని మనస్సు పూర్తిగా బ్రహ్మములో నిమగ్నమై ఉంటుంది. అతడు పూర్తిగా నిర్వికల్ప స్థితిలో ఉంటాడు. ప్రకృతి వస్తువులు, ఇతర ఆలోచనలన్ని ఆ స్థితిలో ఉండవు. ఆ స్థితి ఎలాంటిదంటే గాలిలేని చోట నిశ్చలముగా వెలిగే దీపము లాంటిది. ఈ ఆనంద స్థితికి కారణము సాధకుడు బ్రహ్మ జ్ఞానాన్ని పూర్తిగా అవగతము చేసుకొనుటయే. జీవాత్మ, బ్రహ్మము ఒక్కటే.

మనస్సును ఏకాగ్రత చేసినపుడు అది అన్ని విధములైన మార్పులను గ్రహించి అవన్ని బ్రహ్మములోని భాగములేనని తెలుసుకొన గలుగుతుంది. అలా కానిచో మనస్సు పూర్తిగా అస్థిర స్థితిలో ఉంటుంది. మరల; వస్తువు మీద మనస్సుని ఏకాగ్రం చేసినపుడు వచ్చే అన్ని విధములైన వికల్పములు జీవాత్మ యొక్క చర్యలని గ్రహిస్తుంది. ఎందువలనంటే అతడు బ్రహ్మజ్ఞానము పొంది యుందుట వలన అవన్నీ జీవాత్మలోని భాగములని అర్ధమవుతుంది.

సమాధి స్థితిని ఏవిధమైన అడ్డంకులు లేకుండా నిరంతరము అనుభవించాలి. అపుడు మాత్రమే సాధకుడు ఉన్నత జ్ఞానమును పొందగలడు.

అందువలన నిరంతర సాధన ద్వారా సర్వ వస్తువుల మీద ప్రేమను నిరంతరముగా పొందగల్గును. నిరంతర సమాధి సాధన ఫలితముగా అది క్రమముగా క్షణంలో సమాధి స్థితిలోకి వెళ్లగల్గె స్థితి ఏర్పడుతుంది.

అపుడు సాధకుడు ప్రతి విషయము (వస్తువు)లోను బ్రహ్మన్ని గుర్తించుట జరుగుతుంది. అట్టి స్థితిలో శారీరక బంధనముల నుండి విడివడి ఉన్నతమైన జీవాత్మలో ఉండుటచే ఏ వస్తువును దర్శించినప్పటికి అందులో బ్రహ్మాన్ని దర్శించి సమాధి స్థితిలోకి చేరుట జరుగుతుంది.

శారీరక బంధనాల వలన తాను వ్యక్తినని కులము, స్త్రీ, పురుష భేదము కల్గి వుంటుంది. వేదాంత జ్ఞానము ద్వారా సాధకుడు తనలో అంతర్గత భావనలన్ని అహంభావమువలన   నేనని గ్రహించి బాహ్య వస్తువులన్నియూ ఆత్మ సాక్షితో పరిశీలించుట జరుగుతుంది. పైన తెల్పినట్లు నిరంతర సమాధి సాధన ద్వారా బ్రహ్మ జ్ఞానము కల్గి వుండుటచే, సాధకుడు, వస్తువులు, భావనలు బాహ్యాభ్యంతరములలో అన్నింటిలో బ్రహ్మాన్ని దర్శించగల్గుతాడు. పేర్లు, ఆకారాలు అన్ని కూడా బ్రహ్మములోని భాగాలేనని, తాను చూసిన ప్రతి దాంట్లో బ్రహ్మాన్ని చూడగలుగుతాడు.

అందుకు, ముందు బ్రహ్మ జ్ఞానమును గూర్చిన పూర్తి అవగాహన కృషి ద్వారా చేసి ఉండుటచే తరువత సహజ సిద్ధముగా సమాధి స్థితిలోకి తలచిన వెంటనే వెళ్ళగల్గుతాడు.
🌹 🌹 🌹 🌹 🌹
🙏 ప్రసాద్