దేవాపి మహర్షి బోధనలు - 41

🌹. దేవాపి మహర్షి బోధనలు - 41 🌹

✍️. సద్గురు కె. పార్వతి కుమార్
సేకరణ : ప్రసాద్ భరద్వాజ

🌻 29. మహర్షి దేవాపి సాన్నిధ్యము - 1 🌻

15 సంవత్సరముల వయస్సున ఆయన నాకు దర్శనమిడి నప్పుడు ఆయన విలువ నాకంతగా తెలియలేదు. గత 35 సంవత్సరములుగా నాయందు వికాస మేర్పడుచున్న కొలదీ నా గురుదేవుని విస్తీర్ణము పెరుగుచునే యున్నది. ఆయన మావంటి వారిచే కొలువ బడువాడు కాడని, కొలతల కందనివాడని తెలిసి, నా చిన్నతనము' తెలిసికొంటిని. అయన సాన్నిధ్యమే నాకు సమస్తము.

నా చిన్నతనమున నా కత్యంత సన్నిహితురాలు మా గృహ మందలి వంటమనిషి. ఆమె నన్ను కంటికి రెప్పవలె కాపాడు చుండెడిది. నన్ను గౌరవించుచునే నాకెన్నియో విషయములు తెలుపుచుండెడిది.

నా శారీరక, మానసిక అభివృద్ధికి ఆమె ఎంతయో తోడ్పడినది. ఆమె ఎందులకు నాయందు ప్రత్యేక వాత్సల్యము చూపెడిదో నాకప్పటికి అవగాహన కాలేదు. నేను చిరు ప్రాయము నుండియే అనగా 18 సం||ల ప్రాయము నుండియే మత బోధనలను చేయుచుంటిని.

మా వంటమనిషి నేను చేయు బోధనలకు కూడా స్నేహపూర్వకముగా వచ్చుచుండెడిది. బోధనలను ఆవేశముగ నిర్వర్తించి, యింటికివచ్చి, మా వంటమనిషితో గర్వముగా పలుకు చుండెడిదానను. ఆమె చిరునవ్వుతో అన్నిటికినీ తలయూపు చుండెడిది.

సశేషం...

🌹 🌹 🌹 🌹 🌹


24 Feb 2021