🌹. మాస్టర్ ఇ.కె. గారి సందేశములు - 132 🌹
✍️. రచన : సద్గురు ఇ. కృష్ణమాచార్యులు
📚 . సేకరణ : ప్రసాద్ భరద్వాజ
🌻. అంతర్యామి స్మరణ 🌻
ఈ బ్రహ్మసృష్టి యందు నారాయణుని అడుగుజాడలు గోచరించుట ప్రారంభమైనపుడు ఆ పాదపద్మములే తన్నాకర్షించును. ముక్కునకు పుష్పగంధమెట్లు ఆకర్షకమో, అదే విధముగా ఆకర్షించును. అంతర్యామి స్మరణ యందు మనస్సు నిలబడినచో తన దేహము దాని యందున్నదే కనుక అది వేరుగా గుర్తుండదు.
భార్య, బిడ్డలు, మిత్రులు, బంధువులు మున్నగువారి దేహములును , అదివరకు తనవారనుకొని వ్యామోహపడుచున్న పరివారమెల్లరు నారాయణుని రూపములుగా తెలియబడుదురు. వారి ముఖములతని ముఖములుగ తెలియబడును కనుక అతడు విశ్వతోముఖుడై దర్శనమిచ్చును.
✍🏼 మాస్టర్ ఇ.కె.🌻
🌹 🌹 🌹 🌹 🌹
No comments:
Post a Comment