✍️. సద్గురు కె. పార్వతి కుమార్
సేకరణ : ప్రసాద్ భరద్వాజ
🌻 35. మహర్షి దేవాపి సాన్నిధ్యము - 9🌻
“అశరీరుడగు మహాపురుషుడు నీతో సంభాషించుట, నీ సహకారమును కోరుట నేనెఱిగిన విషయమే. నీ వెట్టి అపాయమునకూ గురి కాబడలేదు. ఈ కార్యము వలన నీవు భౌతికముగా కాని, మానసికముగా కాని, అనారోగ్యము పొందవు. పై విషయమున నీవు నిశ్చింతగ నుండవచ్చును. అత్యంత పవిత్రమగు మహాయజ్ఞమున నీకొక నిర్దిష్టమైన కర్తవ్య మిప్పుడేర్పడినది. ఇది ఒక సువర్ణావకాశము!
ముందు తరములకు ఎంతయో ఉపయోగపడు విజ్ఞానము ఆ మహాపురుషుడు అందించుటకు నిన్నెన్నుకొనెను. నిజమునకు, అతనికి నేనే నీగురించి తెలిపి నిన్ను యీ మహత్కార్యమున వినియోగించు కొనమని సూచించితిని. అతడు నీకూ చిరపరిచితుడే.
చేయబోవు కార్యక్రమముల కారణముగా నిన్ను నేను అతని శిక్షణమునకు బదిలీ చేయుట లేదు సుమా! నిన్నెప్పటికినీ నా శిక్షణముననే యుంచెదను. నేను నీకిచ్చు శిక్షణములో భాగముగ ఆ మహాత్ముని కార్యము పరిపూర్తి గావించుము. నీకు శుభము కలుగును.” అని నా గురుదేవులు దేవాది మహర్షి నా మనస్సునగల సందేహముల నన్నింటినీ నివృత్తి చేయుచూ విశదముగా పలికిరి.
వారికి నేను కృతజ్ఞతాభివందనములు తెలుపుచుండగా వారదృశ్యులై నారు. నా హృదయము ఆ క్షణమున పొంగినది. నా గురుదేవులు నన్ను అనుగ్రహించుటకై దివ్య ప్రణాళికయందు నాకు కూడా వ్రాయసకర్తెగా ఒక బాధ్యత నప్పగించినారు. త్రికరణ శుద్ధిగ నేను జ్వాల కూల్ మహర్షిగారికి స్టెనోగ్రాఫర్ గా పనిచేయుటకు నిశ్చయించు కొంటిని. ఈ విషయము జ్వాల కూల్ మహర్షిగారికి తెలిపితిని. వారు అంగీకారముగ తమ చిరునవ్వును ప్రసరింపజేసిరి.
సశేషం...
🌹 🌹 🌹 🌹 🌹
09 Mar 2021
No comments:
Post a Comment