*✍️. సద్గురు కంభంపాటి పార్వతి కుమార్*
*సేకరణ : ప్రసాద్ భరద్వాజ*
*📚. 9వ అధ్యాయము - రాజవిద్య రాజగుహ్య యోగము 📚*
శ్లోకము 18-3
*🍀 18-3. పరతత్వము - దైవ ముండుటయే మన ముండుటగ యున్నది. మనము వర్తించున దంతయు దైవము నందే. మనము జీవించునది కూడ దైవమునందే. మన నివాసము శాశ్వతముగ దైవమునందే యున్నది. దైవమే మనముగ యుండగ, మన మున్నామను భ్రాంతితో జీవింతుము. మన మున్నామని భావించుట మిధ్య. దైవమే మనముగ యున్నామని తెలుయుట జ్ఞానము. ఇతరములను శరణము కోరుట కన్న దైవమునే ఎదుటి వానియందు దర్శించుచు శరణము కోరవలెను. 🍀*
*గతి ర్బరా ప్రభు స్పాక్షీ నివాస శ్శరణం సుహృత్ |*
*ప్రభవః ప్రలయః స్థానం నిధానం బీజ మవ్యయమ్ II 18*
*తాత్పర్యము : నేనే సమస్త జీవులకు గతి (లక్ష్యము). సమస్తమును భరించువాడను నేనే. సమస్తమునకు ప్రభువును నేనే. సాక్షియు నేనే. అందరికి నివాస స్థానము నేనే. నీకు హితమొనర్చు వాడను నేనే. నేనే సృష్టి స్థితి లయములకు మూలము. శాశ్వతమగు బీజమును కూడ నేనే.*
*వివరణము : నివాసము : మన మందరము వసించు చున్నది దైవము నందే. నిద్రించుచున్నది కూడ దైవము నందే. మేల్కాంచు చున్నది కూడ దైవమునందే. దైవ ముండుటయే మన ముండుటగ యున్నది. మనము వర్తించున దంతయు దైవము నందే. మనము జీవించునది కూడ దైవమునందే. మన నివాసము శాశ్వతముగ దైవమునందే యున్నది. విశ్వమంతయు దైవమే నిండి యున్నపుడు, అందుగాక జీవులు మరెందు యుందురు. దైవమే మనముగ యుండగ, మన మున్నామను భ్రాంతితో జీవింతుము. మన మున్నామని భావించుట మిధ్య. దైవమే మనముగ యున్నామని తెలుయుట జ్ఞానము.*
*శరణం : అందరికిని, అన్నిటికిని ఈశ్వరుడే శరణ్యుడు. అన్నియు ఈశ్వరునుండియే ఉద్భవించినవి గనుక ఇతర విషయముల నాశ్రయింపక, అన్నిటికిని మూలమైన దానినే శరణు జొచ్చ వలెను. ఇతరములను శరణము కోరుట కన్న దైవమునే ఎదుటి వానియందు దర్శించుచు శరణము కోరవలెను. అపుడు ఎదుటి వాని యందలి ఈశ్వరుడు ప్రతిస్పందించి, శరణము నిచ్చును.*
*సశేషం...*
🌹 🌹 🌹 🌹 🌹
#గీతోపనిషత్ #సద్గురుపార్వతీకుమార్
#ChaitanyaVijnanam #PrasadBhardwaj #చైతన్యవిజ్ఞానం
https://t.me/bhagavadgeethaa/
www.facebook.com/groups/bhagavadgeethaa/
https://t.me/ChaitanyaVijnanam
https://t.me/Spiritual_Wisdom
www.facebook.com/groups/chaitanyavijnanam/
https://dailybhakthimessages.blogspot.com
https://chat.whatsapp.com/KtLL1EZQceL1YLFwsAp8bh
https://incarnation14.wordpress.com/
No comments:
Post a Comment