✍ రచన, సంకలనం- DNA స్వర్ణలత గారు
సేకరణ : ప్రసాద్ భరద్వాజ
🌟 2. భూమి - మానవ సృష్టి - 3 🌟
🌟. ఈ భూమిని ఆక్రమించిన వారు గొప్ప జన్యుశాస్త్ర నిపుణులు! వారు ప్రాణప్రతిష్ట చేయడంలో నిష్ణాతులు. దురాక్రమణకు ముందు ఉన్న మానవుడు సాక్షాత్తు దైవమే! ఈ దైవంలో ఎన్నో అద్భుతశక్తులు దాగి ఉన్నాయి. పరిపూర్ణజ్ఞానం, పరిపూర్ణప్రేమ, పరిపూర్ణచైతన్యం అనే దివ్యశక్తులు కలిగిన "స్త్రీ శక్తి (ఫెమినైన్ఎనర్జీ)" ని కలిగి ఉన్న దివ్యమానవుడు.
💫. ఈ పరిపూర్ణ శక్తులన్నింటినీ గ్రహిస్తూ, వినియోగిస్తూ, ఆనందవిహారిగా ఉన్న ఈ దైవమానవుడు దురాక్రమణ తరువాత తన సర్వశక్తులూ కోల్పోయి.. సామాన్య మానవునిగా మారిపోయాడు.
💫. దైవం మానవ చైతన్యమైన తన జన్యువులను (12 ప్రోగులు నుండి144 ప్రోగుల వరకు ఉన్న జ్ఞానం)ఎన్నో ప్రయోగాలు చేసి వాటిలో ఉన్న పరిపూర్ణ శక్తులను, జ్ఞానాన్ని తొలగించి రెండు ప్రోగుల అల్పమైన మానవునిగా... ఇతరులపై ఆధారపడే వ్యక్తిగా మార్చారు.
వీరి యొక్క లక్ష్యం కేవలం భౌతికతే. ఈ "రెండు ప్రోగుల మానవుడు" అజ్ఞానిగా, అరిషడ్వర్గాలకు లోబడి ఉండే వ్యక్తిగా ఉంటూ, మూలాధారస్థితి కన్నా తక్కువ స్థాయిలో జీవిస్తున్నారు.
💫. మానవుల యొక్క ఈ అజ్ఞానం కారణంగా స్వేచ్ఛా సీమగా ఉండవలసిన భూమి ఆక్రమణ భూమిగా మారిపోయింది.
ఎన్నో విశ్వాలకు జ్ఞానం అందించవలసిన ఈ భూమి, ఇక్కడ ఉన్న చీకటిని (అజ్ఞానం) ఇతరులకు పంచే స్థితికి తయారయింది. ఈ భూమిని ఆక్రమించుకున్న వారి లక్ష్యం కూడా అదే. ఈ భూమి ద్వారా అనంత విశ్వాలను జయించవచ్చు అన్న కోరిక.
ఈ భూమిని మొదటగా సృష్టించిన చైతన్య స్వరూపులు అయిన సృష్టికర్తలకు ఈ భూమిని వదులుకోవడం ఇష్టంలేదు. ఉన్నత కాంతిలోకాలలోని ... ఉన్నత శరీరధారులతో సంప్రదించి ఈ భూమినీ, ఈ భూమిపై ఉన్న జీవరాశినీ పునర్నిర్మించే పనిని చేపట్టారు.
తిరిగి భూమిని వెలుగులతో నింపటానికి భూమి చుట్టూ ఉన్న గ్రిడ్ లను సరిచేసి.. కాంతి వచ్చే మార్గాలైన కాంతి ద్వారాలనూ మరి సమయ ద్వారాలనూ తెరవడానికి వారు ప్రయత్నించారు.
ఈ కార్యక్రమానికి ముందే వారు "మానవ జన్యువులను తిరిగి 12 ప్రోగులకు సరిచేయాలి" అని ఒక నిర్ణయం తీసుకున్నారు. ఆ ప్రాజెక్ట్ వర్క్ 12 లోకాల వారు స్వీకరించి పూర్తి చేయడం జరిగింది. ఇది అంతా లక్ష సంవత్సరాల పూర్వమే ప్రారంభం అయింది.
సశేషం...
🌹 🌹 🌹 🌹 🌹
No comments:
Post a Comment