🌹. గీతోపనిషత్తు -295 🌹

*🌹. గీతోపనిషత్తు -295 🌹*

*✍️. సద్గురు కంభంపాటి పార్వతి కుమార్*

*సేకరణ : ప్రసాద్ భరద్వాజ*

*📚. 9వ అధ్యాయము - రాజవిద్య రాజగుహ్య యోగము 📚*

శ్లోకము 18-1

 

*🍀 18-1. పరతత్వము - సమస్త ప్రాణికోటి పరతత్త్వము నుండియే క్రమముగ వెలువడినవి కావున, మరల పరతత్త్యమే చేరవలెను. త్రిమూర్తుల కైనను గతి పరమాత్రమే. ఈ బ్రహ్మాండ సృష్టిని భరించునది పరతత్త్వము. జీవులన్నియు వారు వసించు గోళములపై ఆధారపడును. గోళము లన్నియు సూర్యునిపై ఆధారపడి యుండును. సూర్యుడు సవితృమూర్తి పై ఆధారపడి యున్నారు. సవితృమూర్తి ఆదిత్యులపై ఆధారపడి యున్నారు. ఆదిత్యులు తమకు మూలమైన అదితిపై ఆధారపడి యున్నారు. అదితి పరతత్త్వము పై ఆధారపడి యుండును. సమస్త జగత్తునకు ఆధారమైన తత్త్వము తానే.🍀*

*గతి ర్బరా ప్రభు స్పాక్షీ నివాస శ్శరణం సుహృత్ |*

*ప్రభవః ప్రలయః స్థానం నిధానం బీజ మవ్యయమ్ II 18*

*తాత్పర్యము : నేనే సమస్త జీవులకు గతి (లక్ష్యము). సమస్తమును భరించువాడను నేనే. సమస్తమునకు ప్రభువును నేనే. సాక్షియు నేనే. అందరికి నివాస స్థానము నేనే. నీకు హితమొనర్చు వాడను నేనే. నేనే సృష్టి స్థితి లయములకు మూలము. శాశ్వతమగు బీజమును కూడ నేనే.*

*వివరణము : నిజమునకు సమస్తమునకు మూలమైన తత్త్వము పరతత్త్వము కనుక పై తెలిపిన వన్నియు సహజముగ ఆ తత్త్వ లక్షణములే.*

*గతి : సమస్త ప్రాణికోటి పరతత్త్వము నుండియే క్రమముగ వెలువడినవి కావున, మరల పరతత్త్యమే చేరవలెను. పుట్టినచోటికే చేరవలెను. కనుక గతి అందరికిని ఒక్కటే. త్రిమూర్తుల కైనను గతి పరమాత్రమే.*

*భర్త : దేని నుండి ప్రాణికోటి పుట్టినదో దానిమీదే ఆధారపడి ప్రాణికోటి యుండును. నిజమునకు ఈ బ్రహ్మాండ సృష్టిని భరించునది పరతత్త్వము. జీవులన్నియు వారు వసించు గోళములపై ఆధారపడును. గోళము లన్నియు సూర్యునిపై ఆధారపడి యుండును. సూర్యుడు సవితృమూర్తి పై ఆధారపడి యున్నారు. సవితృమూర్తి ఆదిత్యులపై ఆధారపడి యున్నారు. ఆదిత్యులు తమకు మూలమైన అదితిపై ఆధారపడి యున్నారు. అదితి పరతత్త్వము పై ఆధారపడి యుండును. సమస్త జగత్తునకు ఆధారమైన తత్త్వము తానే.*

*మానవులు మనస్సుపై ఆధారపడి జీవింతురు. మనసునకు శ్వాస ఆధారము. శ్వాసకు స్పందన మాధారము. స్పందనమునకు సూక్ష్మ స్పందన మాధారము. సూక్ష్మ స్పందనమునకు మనలోని చోటు ఆధారము. మనలో చోటుగ యున్న ఈశ్వరుడు మన కాధారము. ఆ ఈశ్వరుడే సృష్టి యందు సమస్తమునకు ఆధారము. పరతత్త్యమే ఈశ్వరుడగు చున్నాడు. సమస్తమును భరించు వాడగు చున్నాడు. అతడే భర్త. అతడే గతి.*

*సశేషం...*

🌹 🌹 🌹 🌹 🌹

#గీతోపనిషత్ #సద్గురుపార్వతీకుమార్

#ChaitanyaVijnanam #PrasadBhardwaj #చైతన్యవిజ్ఞానం

https://t.me/bhagavadgeethaa/

www.facebook.com/groups/bhagavadgeethaa/

https://t.me/ChaitanyaVijnanam

https://t.me/Spiritual_Wisdom 

www.facebook.com/groups/chaitanyavijnanam/

https://dailybhakthimessages.blogspot.com

https://chat.whatsapp.com/KtLL1EZQceL1YLFwsAp8bh

https://incarnation14.wordpress.com/