1) 🌹. గీతోపనిషత్తు - సాంఖ్య యోగము - 178🌹
2) 🌹. శివ మహా పురాణము - 378🌹
3) 🌹 Light On The Path - 127🌹
4)🌹. మాస్టర్ ఇ.కె సందేశాలు -6 🌹
5) 🌹 Seeds Of Consciousness - 325🌹
6) 🌹. భగవద్దర్శిని - అవతార్ మెహర్ - 200🌹
7) 🌹. శ్రీ లలితా సహస్ర నామములు - 55 / Lalitha Sahasra Namavali - 55🌹
8) 🌹. శ్రీ విష్ణు సహస్ర నామములు - 55 / Sri Vishnu Sahasranama - 55🌹
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹. గీతోపనిషత్తు -178 🌹*
✍️. సద్గురు కంభంపాటి పార్వతి కుమార్
సేకరణ : ప్రసాద్ భరద్వాజ
*📚. 6వ అధ్యాయము - ఆత్మ సంయమ యోగము 📚*
శ్లోకము 20
*🍀 20. అనుగ్రహము - భగవంతుని యందు రమించు బుద్ధి కలుగుట భగవదనుగ్రహముననే జరుగవలెను గాని, పుట్టించు కొనుట సాధ్యము కాదు. దైవ ప్రేరితమైనపుడు మాత్రము దైవము నందు ప్రేమ కలుగును. ఇది సత్యము. దైవము సాధించు విషయము కాదు. అనుగ్రహ వశముచే దానిని పొంద వచ్చును. అనుగ్రహమునకు తీరుతెన్నులు లేవు. అనుగ్రహము కలుగు వరకు యజ్ఞార్థ కర్మలు నిర్వర్తించుట, తనకున్న దానిలో దానములు చేయుట, తన శక్తి మేరకు ఆరాధనలు గావించుట చేయుచు వేచి యుండవలసి యుండును. కమలములు సూర్య కిరణములకై వేచియున్నటులు, ఆలుచిప్ప స్వాతిచినుకుకై వేచియున్నట్లు, వేచి యుండుటయే కర్తవ్యము. 🍀*
యత్రోపరమతే చిత్తం నిరుద్ధం యోగ సేవయా |
యత్రచైవాత్మనా 2 త్మానం పశ్యన్నాత్మని తుష్యతి || 20
యోగాభ్యాసమున నిబద్ధము చేసిన చిత్తము ఆత్మను దర్శించుచు, ఉపరమించుచు తుష్టి చెందును. ఆత్మ 'నేను' అను దైవముగను, 'నేను' అను జీవుడుగను, 'నేను' అను స్వభావముగను, 'నేను' అను దేహముగను నష్టము చెందియుండును. అనగ సూత్రము నుండి విడిపడిన పూసలవలె విడిపడి బలము లేక పడియుండును.
నేను అను దేహాత్మభావన, నేను అను స్వభావము లేక చిత్తము కూడి నేను అను వెలుగునందు లగ్నము చేయుట ఆత్మసంయమ మగును. నేను అను జీవాహంకారము నేను అను దైవము నందు లగ్నము చేసినపుడు, అది అభ్యాసముగ నిలచినపుడు చిత్తము నేను అను వెలుగు నందు ఉపరతి చెందినచో, ఇతరముల జోలికి పోదు.
నేను, తాను అను వెలుగు నందు ఆసక్తి రతిగ మారవలెను. ఆసక్తి పెంపొందిన కొలది రతి యగును. నేను అను వెలుగు నందు రతి భావము లేక ప్రేమ భావము లేనపుడు ఆత్మ దర్శనమునకు అవకాశము లేదు. నేను అను జీవాహంకారము నేను అను త్రిగుణాతీతమగు వెలుగునందు రతి కలుగుటకు ఉపాయమేమి?
ఆసక్తి, రతి, ప్రేమ ఉన్నచోట అప్రయత్నముగనే చిత్తము లగ్నమగును. అట్టి ప్రేమ కలిగించుకొనవలె నన్నచో కలుగదు. అనుగ్రహము వలననే కలుగును. భగవదనుగ్రహము జీవుని యందున్నపుడు, జీవునికి దైవముపై ఆసక్తి, ప్రేమ కలుగును. ప్రేమ లేనిచోట కలయక లేదు. యోగము లేదు.
ఒకరినొకరు ప్రేమింపని యువతీ యువకులను ఒక చోట చేర్చినను ప్రేమ పుట్టదు. ప్రేమ కలిగినపుడు వారు వేరు వేరు ప్రదేశములలో నున్నను ఒకరినొకరు ప్రేమించుకొనుచు, ఆత్మీయ భావముతో ముడిపడుదురు. ఎన్ని అవరోధములు కలిగినను ఒకరినొకరు చేరుట మానరు.
ఇచ్చట భగవంతుడు ఒక రహస్యమును తెలుపుచున్నాడు. యోగ సేవ వలన అనగ యోగాభ్యాసము వలన చిత్తము నిరోధింప బడినను అట్టి చిత్తమందుగల ప్రజ్ఞ నేనను ఆత్మయందు లగ్నము చేసి ఆత్మయను వెలుగును దర్శించుచు ఉపరమించ వలెనని, అట్లు పరమించునపుడు తుష్టి కలుగునని చెప్పుచున్నాడు.
అట్లు భగవంతుని యందు రమించు బుద్ధి కలుగుట భగవదనుగ్రహముననే జరుగవలెను గాని, పుట్టించుకొనుట సాధ్యము కాదు. బహుమతులు, కానుకలు, ధనము, కీర్తి, సంపద ఇట్లు అడిగిన వన్నియు ఇచ్చినను భగవంతునిపై ప్రీతి కలుగదు. అవి యన్నియు వదలి అడవులకేగినను భగవంతునిపై ప్రీతి కలుగదు. నిజేచ్చనైన దైవమును ప్రేమించలేరు అని భాగవతము తెలుపు
చున్నది. దైవ ప్రేరితమైనపుడు మాత్రము దైవమునందు ప్రేమ కలుగును. ఇది సత్యము.
దైవము సాధించు విషయము కాదు. అనుగ్రహవశముచే దానిని పొందవచ్చును. అనుగ్రహమునకు తీరుతెన్నులు లేవు. అనుగ్రహము కలుగు వరకు యజ్ఞార్థ కర్మలు నిర్వర్తించుట, తనకున్నదానిలో దానములు చేయుట, తన శక్తిమేరకు ఆరాధనలు గావించుట చేయుచు వేచి యుండవలసి యుండును. కమలములు సూర్య కిరణములకై వేచియున్నటులు, ఆలుచిప్ప స్వాతిచినుకుకై వేచియున్నట్లు, వేచి యుండుటయే కర్తవ్యము.
సశేషం...
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #గీతోపనిషత్ #సద్గురుపార్వతీకుమార్
Join and Share
🌹. భగవద్గీత BhagavadGita Telegram, FB Groups 🌹
https://t.me/bhagavadgeethaa/
www.facebook.com/groups/bhagavadgeethaa/
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹 . శ్రీ శివ మహా పురాణము - 378🌹*
రచన ✍️. స్వామి తత్త్వ విదానంద సరస్వతి
📚. ప్రసాద్ భరద్వాజ
*🌴. రుద్ర సంహితా - పార్వతీ ఖండః 🌴*
అధ్యాయము - 13
*🌻. పార్వతీ పరమేశ్వర సంవాదము - 1 🌻*
భవాని ఇట్లు పలికెను-
ఓ యోగీ! తపశ్శాలివగు నీవు పర్వత రాజుతో నెట్టి మాటలను పలికితివి? హే విభో! నీవు జ్ఞానులలో శ్రేష్ఠుడవు. దానికి సమాధానమును నా నుండి వినుము (1). హే శంభో ! నీవు తపశ్శక్తితో కూడియున్నావు. గొప్ప తపస్సును చేయుచున్నావు. మహాత్ముడవగు నీకు ఇట్టి తపస్సును చేయవలెననే బుద్ధి ఉదయించినది (2). కర్మలన్నియు ఆ శక్తి నుండియే పుట్టుచున్నవని యెరుంగుము. ఆమెయే సృష్టినంతనూ రచించి, పాలించి, నశింపజేయుచున్నది (3). నీవెవరు? సూక్ష్మప్రకృతి ఏది? హే భగవాన్‌! ఈ విషయములను విమర్శించి తెలుసుకొనుము. ప్రకృతి లేకుండగా మహేశ్వరుడు సగుణ రూపధారి ఎట్లు కాగల్గును? (4) ప్రకృతితో కూడి యుండుట చేతనే నీవు సర్వదా ప్రాణులచే పూజింపబడి, ధ్యానింపబడుచున్నావు. ఈ సత్యమును మనస్సులో నెరింగి, అపుడు నీవు మాటలన్నిటినీ పలుకదగును (5).
బ్రహ్మ ఇట్లు పలికెను-
గొప్ప లీలను ప్రదర్శించుటలో ప్రీతిగల మహేశ్వరుడు ప్రసన్నమగు అంతఃకరణము గలవాడై, పార్వతి యొక్క ఆ మాటను విని చక్కగా నవ్వి ఇట్లు పలికెను (6).
మహేశ్వరుడిట్లు పలికెను-
నేను గొప్ప తపస్సుచే ప్రకృతిని నాశనము చేయుదునా యున్నట్లు చేయుదును. శంభుడనగు నేను ప్రకృతి లేకుండగా ఆత్మస్వరూపుడనై ఉందును (7). కావున సత్పురుషులు ఏ కాలము నందైననూ ప్రకృతిని (స్త్రీని) స్వీకరించరాదు. సత్పురుషులు లోకాచారములను పరత్యజించి వికారము లేనివారై ఉండవలెను (8).
బ్రహ్మ ఇట్లు పలికెను-
వత్సా! శంభుడు లోకపు పోకడనను సరించి ఇట్లు పలుకగా, కాళీదేవి తనలో తాను నవ్వుకొని మధురమగు వచనము నిట్లు పలికెను (9).
కాళీదేవి ఇట్లు పలికెను-
హే శంకరప్రభో! నీవు ప్రకృతిని అతిక్రమించినానని చెప్పితివి. అట్లైనచో, ప్రకృతి స్వరూపురాలగు స్త్రీఏల ఉండరాదు? ఉండకూడదన్నచో, నీవు అతీతుడవని ఎట్లు చెప్పగలము? (10) ఈ విషయమును ఉన్నది ఉన్నట్లుగా తత్త్వ బుద్దితో విచారించి చెప్పవలెను. ఈ సర్వము సర్వకాలములయందు ప్రకృతి చే బంధింపబడి యున్నది (11). నీవు ప్రకృతి లేనిదే మాటలాడలేవు. ఏ పనినీ చేయలేవు. ఈ జగత్తులోని సర్వవచనములు, సర్వక్రియలు ప్రకృతి నుండి పుట్టినవని నీవు నీ మనస్సులో నిశ్చయించుకొనుము (12). నీవు ఏది విన్ననూ, ఏది తిన్ననూ, ఏది చూచిననూ, ఏది చేసిననూ ఆ సర్వము ప్రకృతి నుండియే పుట్టును. ప్రకృతిని గురించి మిథ్యావచనములను పలుకుట వ్యర్థము (13).
నీవు ప్రకృతికి అతీతుడవైనచో, తపస్సును ఏల చేయుచున్నావు? హే శంభో! ప్రభో! నీవు ఇపుడు ఈ హిమవత్పర్వతముపై ఏలనున్నావు? (14). హే హరా! నీవు ప్రకృతినుండి విడి పోయినావు. నీ ఆత్మ స్వరూపమును నీవు తెలియకున్నావు. నీకు నీ ఆత్మ స్వరూపము విదితమే అయినచో, తపస్సునేల చేయుచున్నావు? (15) హే యోగీ! నాకు నీతో వాదులాడుటవలన ఏమి ప్రయోజనము గలదు? వస్తువు ప్రత్యక్షముగా నున్న సందర్భములో అనుమాన ప్రమాణమునకు తావు లేదని పండితులు చెప్పెదరు (16). ప్రాణులు తమ ఇంద్రియములచే ఎంతవరకు తెలుసుకొనగలరో, స్వీకరించగలరో, అది అంతయూ ప్రకృతి నుండియే ఉద్భివించినదని జ్ఞానులు తమ బుద్ధిలో దర్శించవలెను (17).
ఓ యోగి వర్యా! ఇన్నిమాటలేల? నా శ్రేష్ఠమగు వచనమును వినుము. ఆ ప్రకృతి నేనే. నీవు పురుషుడవు. ఇది ముమ్మాటికీ సత్యము (18). నీవు నా అనుగ్రహము చేతనే రూపమును పొంది సగుణుడవైనా వని పెద్దలు చెప్పెదరు. నేను లేనిచో, నీయందు సంకల్పశక్తి ఉండదు. నీవు ఏ పనినీ చేయజాలవు (19). జీతేంద్రియుడవగు నీవు పరాప్రకృతికి అధీనుడవై వివిధ కర్మలననుష్ఠించుచున్నావు. నీవు వికారములు లేనివాడవు ఎట్లు కాగలవు? నా లేపము నీకు లేదనుట ఎట్లు సంభవము? (20) హే శంకరా! నీవు ప్రకృతి కంటె అతీతుడవు అనే నీమాట సత్యమైనచో, నీవు నా సమీపములో భయపడవలసిన పని యేమి? (21)
సశేషం....
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #శివమహాపురాణము
Join and Share
🌹. చైతన్య విజ్ఞానం Spiritual wisdom FB Telegram groups 🌹
www.facebook.com/groups/chaitanyavijnanam/
https://t.me/ChaitanyaVijnanam
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹 LIGHT ON THE PATH - 127 🌹*
*🍀 For those WHO DESIRE TO ENTER WITHIN - For DISCIPLES 🍀*
✍️. ANNIE BESANT and LEADBEATER
📚. Prasad Bharadwaj
CHAPTER 10 - THE Note on 20th RULE
*🌻 20. Seek it by testing all experiences - 3 🌻*
480. There is one other thing for which this experience is valuable; until you have passed through it you cannot help the person who yields. You cannot help any human being unless you are above him, and yet you cannot lift anyone unless you understand what he is feeling. There is a stage where you yourself are in the grip of desire; you cannot then help others who are in the same difficulty.
Later, you escape. You repel desire, and reach a point where you cannot understand why another man should fall into temptation; not understanding his feelings, you cannot help him; you can point out the evil to him, but you cannot give spiritual help. You cannot pour strength into him because you are outside him, and as you are not feeling with him you feel a shock of horror.
When you get that horror you are useless. You can never help anyone from whom you are repelled; it is better to leave him alone when you feel like that. You must be able to feel with a person in order to help him.
481. Even though you can feel with a person you cannot help him if he makes a wall about himself; in such a case, it is better to drop him for a time, for help given from the outside is of no use. You may have to give up trying to help a person on the physical plane, but you need not stop doing so from the inside. To help from the inside requires more courage than to do so from without. It is far more gratifying to give outside counsel and advice; it is much more satisfying to the lower nature than giving inside and unseen help.
482. Another thing – if you can help a person, do not be turned away by the opinion of someone else that he does not deserve help, nor by his own idea that you are not helping him. H.P.B. was sometimes condemned by her own pupils.
They said harsh things of her, but she was good and strong, and did not repel them, but went on helping them from the inside, leaving them to think what they would. By helping from the inside we wear away antagonism. When you have felt antagonism, antipathy of mind, to others, possibly even to your own teacher, as you do sometimes, you perhaps blame them.
Where you have felt a wall you have thought it was their wall, but later on you realize that the wall was an illusion – a thing you had yourself created on, the mental plane. When going through this stage we have built wall after wall, and have suffered by the existence of the walls, until we threw them down.
483. There is a still higher stage, which is difficult to explain. There are men who make a link between the Great Ones and the mass of humanity. It is the stage where the person is in an absolutely pure desire-body; all dead matter has been cleared away from it, and only the power of reflecting images is retained. The man is incapable of sin.
Continues...
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #LightonPath #Theosophy
Join and Share
Thosophical Teachings దివ్యజ్ఞాన సందేశములు
www.facebook.com/groups/theosophywisdom/
https://t.me/Seeds_Of_Consciousness
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
🌹. మాస్టర్ ఇ.కె. గారి సందేశములు - 6 🌹
✍️. మాస్టర్ ఇ. కృష్ణమాచార్యులు
సంకలనము : వేణుమాధవ్
📚. ప్రసాద్ భరద్వాజ
కర్మలను విడిచిపెట్టుట ద్వారా గాక, కర్మల యందు సంగాన్ని విడిచిపెట్టి అంతర్యామికి అర్పితమయిన యజ్ఞార్థ కర్మ చేయడం ద్వారానే యోగసిద్ధి లభిస్తుంది.
అట్లా అని కర్మలలో ఇరుక్కుపోకూడదు.
కర్మ చేయని క్షణముండదు కావున, నిత్యదినచర్య అంతా యోగసాధనే అవుతుంది. మోక్షమనే అంశముపై మనస్సు పెట్టడం కూడా బంధమే అవుతుంది.
కావున ముందు మోక్షమును గూర్చిన అభిప్రాయములు, ఆలోచనలు వదలివేయాలి. "తన" అసలైన అస్తిత్వములో ఎడము లేకుండా, జీవించడమే లక్ష్యముగా దినచర్యను ఏర్పాటుచేసికోవాలి.
ఏకాగ్రత అంటే ఒక దానిపైన మనస్సు కేంద్రీకరించి, మిగిలిన పనులు మానేయమని కాదు. అసలు మనస్సు స్వభావమే అదికాదు.
ధ్యానం పేర పనులు ఎగగొట్టేవాని మనస్సే అనవసరమయిన ఆలోచనలు, రాగద్వేషాలు, ఇతరులను గూర్చి వివిధాభిప్రాయాలతో గజిబిజి అయి, అశాంతిని పెంచుకుంటూ, పంచుతూ ఉంటుంది.
చేతి రుమాలులో ఎట్టి వాసనల వస్తువునుంచితే, ఆ వాసనే రుమాలు కేర్పడుతుంది. అట్లే మనసుకూడ. రుమాలులో కర్పూరముంచి, వెలిగిస్తే, అదే లయిస్తుంది.
ఇలాగే అంతర్యామి స్మరణతో గూడిన పనులలో నిమగ్నమయిన మనస్సు కూడా అంతర్యామితోనిండి, తన అస్తిత్వాన్ని కోల్పోతుంది.
కావున ఏకాగ్రత లేక ఏకాంత భక్తి అంటే ఏ పనిలో ఉన్నా ఒకే ఒక అంతర్యామి తత్త్వమునందు నిలుచుటయే.....
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #మాస్టర్‌ఇకెసందేశములు
Join and Share
🌷. మాస్టర్ ఇ.కె. గారి సందేశములు 🌷
www.facebook.com/groups/masterek/
https://t.me/ChaitanyaVijnanam
www.facebook.com/groups/chaitanyavijnanam/
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹 Seeds Of Consciousness - 325 🌹*
✍️ Nisargadatta Maharaj
Nisargadatta Gita
📚. Prasad Bharadwaj
*🌻 174. The story of all of us begins with the 'I am', it is the starting point of both misery and happiness.🌻*
No being exists that is devoid of the 'I am'. However it may happen the story of all begins with the arrival of the knowledge 'I am'. Circumstantially you maybe conditioned in different ways, which, along with the combination of elements and qualities, is expressed accordingly.
This expression could be good or bad, it could lead to happiness or misery, either way or whatever be the outcome, the starting point is always the 'I am'.
Continues....
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #SeedsofConsciousness #Nisargadatta
Join and Share
🌹. Daily satsang Wisdom 🌹
www.facebook.com/groups/dailysatsangwisdom/
https://t.me/Seeds_Of_Consciousness
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹. భగవద్దర్శిని - అవతార్ మెహర్ - 200 🌹*
✍️. శ్రీ బాలగోపాల్
📚. ప్రసాద్ భరద్వాజ
*🌻. దృఢ విశ్వాసములు - అయిదు విధములైన జ్ఞానములు 🌻*
741. 1. బావిని త్రవ్వకయే, ఇచ్చట మంచి నీరున్నదని భావించుటయు, భూమిని త్రవ్వుకొనుచు లోపలికి చొచ్చుకొని పోవుటయు మొదటి విశ్వాసము.
2. నీటిని కన్నులార చూచుట రెండవ విశ్వాసము.
3. నీటిని రుచి చూచుట మూడవ విశ్వాసము.
4. ఆ నీటిని గూర్చి ఇతరులకు వర్ణించి చెప్పుట నాల్గవ విశ్వాసము.
742. అయిదు విధములైన జ్ఞానము
1. ప్రాపంచిక జ్ఞానము (96వ పాయింట్‌ చూడుము)
2. ధర్మశాస్త్ర జ్ఞానము (98వ పాయింట్‌ చూడుము)
3. ఆధ్యాత్మిక జ్ఞానము} దార్శనికుల జ్ఞానము } (106వ పాయింట్‌ చూడుడు)
4. బ్రహ్మ జ్ఞానము (136వ పాయింట్‌ చూడుడు)
5. విశ్వ విజ్ఞానము}
సర్వజ్ఞత్వము} (156వ పాయింట్‌ చూడుడు)
(అవతార పురుషుని దివ్య జ్ఞానము)
సశేషం...
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #భగవద్ధర్శిని #అవతారమెహర్
Join and share
🌹 Meher Baba అవతార్ మెహర్ బాబా 🌹
www.facebook.com/groups/avataarmeherbaba/
www.facebook.com/groups/chaitanyavijnanam/
https://t.me/ChaitanyaVijnanam
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹. శ్రీ లలితా సహస్ర నామములు - 55 / Sri Lalita Sahasranamavali - Meaning - 55 🌹*
🌻. మంత్రము - అర్ధం 🌻
📚. ప్రసాద్ భరద్వాజ
*🍀 55. మహాభోగా, మహైశ్వర్యా, మహావీర్యా, మహాబలా ।*
*మహాబుద్ధి, ర్మహాసిద్ధి, ర్మహాయోగేశ్వరేశ్వరీ ॥ 55 ॥ 🍀*
🍀 219. మహాభోగా -
గొప్ప భోగమును పొందునది లేదా అనుభవించునది.
🍀 220. మహైశ్వర్యా -
విలువ కట్టలేని ఐశ్వర్యమును ఇచ్చునది.
🍀 221. మహావీర్యా -
అత్యంత శక్తివంతమైన వీర్యత్వము గలది.
🍀 222. మహాబలా -
అనంతమైన బలసంపన్నురాలు.
🍀 223. మహాబుద్ధిః - అద్వితీయమైన బుద్ధి గలది.
🍀 224. మహాసిద్ధిః -
అద్వితీయమైన సిద్ధి గలది.
🍀 225. మహాయోగేశ్వరేశ్వరీ -
గొప్ప యోగేశ్వరులైన వారికి కూడా ప్రభవి.
సశేషం...
🌹 🌹 🌹 🌹 🌹
*🌹. Sri Lalita Sahasranamavali - Meaning - 55 🌹*
📚. Prasad Bharadwaj
*🌻 55. mahābhogā mahaiśvaryā mahāvīryā mahābalā |*
*mahābuddhir mahāsiddhir mahāyogeśvareśvarī || 55 || 🌻*
🌻 219 ) Maha bhoga -
She who enjoys great pleasures
🌻 220 ) Mahaiswarya -
She who has great wealth
🌻 221 ) Maha veerya -
She who has great valour
🌻 222 ) Maha bala -
She who is very strong
🌻 223 ) Maha bhudhi -
She who is very intelligent
🌻 224 ) Maha sidhi -
She who has great super natural powers
🌻 225 ) Maha yogeswareswari -
She who is goddess of great yogis.
Continues....
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #లలితాసహస్రనామ #LalithaSahasranama
Join and Share
🌹. శ్రీ లలితా దేవి చైతన్యము Sri Lalitha Devi Chatanyam 🌹
https://t.me/srilalithachaitanyavijnanam
http://www.facebook.com/groups/srilalithachaitanyavijnanam/
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
*🌹. శ్రీ విష్ణు సహస్ర నామములు - 55 / Sri Vishnu Sahasra Namavali - 55 🌹*
*నామము - భావము*
📚. ప్రసాద్ భరద్వాజ
*🌷. ఓం నారాయణాయ విద్మహే వాసుదేవాయ ధీమహి తన్నో విష్ణు ప్రచోదయాత్ 🌷*
*🌻. 55. జీవో వినయితా సాక్షీ ముకుందోఽమిత విక్రమః |*
*అంభోనిధిరనంతాత్మా మహోదధి శయోంతకః ‖ 55 🌻*
*చిత్త నక్షత్ర తృతీయ పాద శ్లోకం*
🍀 513) జీవ: -
జీవుడు.
🍀 514) వినయితా సాక్షీ -
భక్తుల యందలి వినయమును గాంచువాడు.
🍀 515) ముకుంద: -
ముక్తి నొసగువాడు.
🍀 516) అమిత విక్రమ: -
అమితమైన పరాక్రామము గలవాడు.
🍀 517) అంభోనిధి: -
దేవతలు, మనుష్యులు, పితరులు, అసురులు ఈ నాలుగు వర్గములు అంభశబ్ధార్థములు, అంభస్సులు తనయందే ఇమిడి యున్నవాడు.
🍀 518) అనంతాత్మా - అనంతమైన ఆత్మస్వరూపుడు.
🍀 519) మహోదధిశయ: -
వైకుంఠమునందు క్షీరసాగరమున శేషతల్పముపై శయనించువాడు.
🍀 520) అంతక: -
ప్రళయకాలమున సర్వమును అంతము చేయువాడు.
సశేషం...
🌹 🌹 🌹 🌹 🌹
*🌹 Vishnu Sahasra Namavali - 55 🌹*
*Name - Meaning*
📚 Prasad Bharadwaj
*🌷 OM NARAYANAYA VIDMAHE VASUDEVAYA DHIMAHI । TANNO VISHNU PRACHODAYAT ॥ 🌷*
*Sloka for Chitta 3rd Padam*
*🌻 55. jīvō vinayitāsākṣī mukundōmitavikramaḥ |*
*ambhōnidhiranantātmā mahōdadhiśayōntakaḥ || 55 ||*
🌻 513. Jīvaḥ:
One who as the Kshetragya or knower of the field or the body, is associated with the
Pranas.
🌻 514. Vinayitā-sākṣī:
One who witnesses the Vinayita or worshipful attitude of all devotees.
🌻 515. Mukundaḥ:
One who bestows Mukti or Liberation.
🌻 516. Amitavikramaḥ:
One whose three strides were limitless.
🌻 517. Ambhōnidhiḥ:
One in whom the Ambas or all beings from Devas down dwell.
🌻 518. Anantātmā:
One who cannot be determined by space, time and causation.
🌻 519. Mahōdadhi-śayaḥ:
One who lies in the water of Cosmic Dissolution into which all entities in the universe have been dissolved.
🌻 520. Antakaḥ:
One who brings about the end of all beings.
Continues...
🌹 🌹 🌹 🌹 🌹
#ChaitanyaVijnanam #PrasadBhardwaj #చైతన్యవిజ్ఞానం #విష్ణుసహస్రనామములు #VishnuSahasranama
Join and Share
విష్ణు సహస్రనామ స్తోత్రము / Vishnu Sahasranama group.
https://t.me/vishnusahasranaam
www.facebook.com/groups/vishnusahasranaam/
🍀🌹🍀🌹🍀🌹🍀🌹🍀🌹
🍀🌹🍀🌹🍀🌹🍀🌹🍀🌹
