భగవద్దర్శిని - అవతార్ మెహర్ - 183

🌹. భగవద్దర్శిని - అవతార్ మెహర్ - 183 🌹

✍️. శ్రీ బాలగోపాల్
📚. ప్రసాద్ భరద్వాజ

🌻. భగవంతుని పదవపాత్ర సద్గురువు - నాల్గవ దివ్య యానము - అవతార పురుషుడు - 5 🌻

690. అవతారపురుషుడు భూలోకములో ఉన్నప్పుడు కూడా, 56 గురు బ్రహ్మీభూతులు దేహధారులై యుందురు. వీరు 56 గురు 56 కార్యాలయములను నిర్వహింతురు. కాని ఒక్క అవతారపురుషుడు మాత్రమే సర్వాధికారియై యుండును.

691. అవతార పురుషుడే భగవంతుడు. భగవంతుడే, మానవకోటికి మానవుడై, జంతుశ్రేణికి జంతువై, పక్షిజాతికి పక్షియై ఇట్లు సృష్టిలో సర్వమూ తానే “అగు” చున్నాడు. అనగా:-

సృష్టియే తానగు చున్నాడు (విశ్వరూపుడు) ఇదియే అవతారమనగా సరియగు అర్థము.

692. పంచ సద్గురువులు భగవంతుని దివ్యత్వమును మాయాసృష్టికి బహూకరించినప్పుడు, ఈ దివ్యత్వము సృష్టి అంతటా అలముకొని, స్పృశించి, అసంఖ్యాకరముల సూక్ష్మ – మానసిక రూపములలో కనిపించును.

సశేషం...

🌹 🌹 🌹 🌹 🌹


01 Mar 2021